په‌ڤچوونێن ل ده‌ردوورا به‌نداڤا تشرینێ ده‌وام دكه‌ن، ده‌وله‌تا ترك ئیرۆ ژی ب بالافرێن شه‌ر گه‌له‌ك ئێریش پێكئانین، هه‌سه‌دێ ژی د به‌رسڤێ ده ئێریشی كۆمێن چه‌ته‌یێن ئارتێشا نشتیمانی كرن و كوشتی و بریندار ژ چه‌ته‌یان كه‌تنه.
روانگه‌ها سووری یا مافێن مرۆڤان ئیرۆ رۆژا سێشه‌می 28 چله‌یا 2025ێ راگهاند كو بالافرێن شەر یێن ترک ئیرۆ گەلەک ئێریش ل دەردۆرا بەنداڤا تشرین و ل نێزی باژارۆکێ سەڕینێ کرن، 3 ژ وان ل سەر جهێن ل چیایێن قەساقێ، ئێریشەکە ل سەر بالافرگەها شەمیێ، 2 ئێریش ل سەر دو جهێن ل بەژاهیا سەڕینێ و ئێریشا ل سەر گوندێ ئەل-جەدیدا ل گوندەوارێ رۆژهلاتێ حەلەبێ.
ل سەر ئاستەک تێکلدار، هێزێن سووریا دەمۆکراتیک، ب درۆنان، كۆمێن چه‌ته‌یێن ئارتێشا نشتیمانی یا سووریه‌یێ كو تریكه پشتگریا وان دكه ل نێزیكی به‌نداڤا تشرینێ كرن ئارمانج، كوشتی و بریندار ژ چه‌ته‌یان كه‌تنه.
