تولای ھاتیمۆغلەری ھوورگولیێن ھەڤدیتنا ئیمرالیێ یا دویەمین پارڤە کرن. ھاتیمۆغلەری گۆت، “ئۆجالان گۆتیە ‘نێزیکاتیا باخچەلی لگەل مەژیێ دەولەتێ بهێتە جەم ھەڤ، دێ خزمەتا بوویەرەکا دیرۆکی بکە.”
ھەڤسەرۆکا گشتی یا پارتیا دەمێ تولای ھاتمۆغلەری د جڤینا کۆما پارتیا خوە یا ھەفتانە دە داخویانی دا و بەحسا سەرەدانا دویەمین یا ئیمرالی کر.
ھاتیمۆغولەری گۆت: “ھەڤدیتنا دویەمین یا ئیمرالیێ یا کو ئەم ھەموو ل بەندێ بوون پێک ھات.”
“نەخشەرێیا کو ژ ھەڤدیتنا ئیمرالیێ دەرکەت، بێگومان مژارەکە کو ھەموو گەل ب کەلەجان ل بەندا وێ نە. برێز ئۆجالان د ھەڤدیتنێ دە گۆت، ‘ئەز خەباتێن خوە ددۆمینم. ئەم د سەردەمەکە دیرۆکی دە دەرباس دبن کو کریزێن جیھانی و نەتەوەیی ل ھەڤ دکن. ئۆجالان د ھەڤدیتنا داوی دە ژ شاندا مە رە گۆت، ‘کاشکرنا ترکیەیێ بەر ب زەمینا دەمۆکراسیێ ڤە، رێیا چارەسەریێ یە’. دەولەت، دێ خزمەتا بوویەرەکا دیرۆکی بکە کو، ئەڤ خزمەتا ئاشتیێ یە.”
تولای ھاتمۆغلەری د ھەڤدیتنا خوەیا دویەمینا ئیمرالیێ دە پەیامێن رێبەرێ پەکەکێ عەڤدللا ئۆجالان ب ڤان گۆتنان خویا کرن:
برێز ئۆجالان د ھەڤدیتنێ دە ئەڤ تشت ئانی زمان: “ئەز خەباتێن خوە ددۆمینم” و وھا گۆت: “ئەز دخوازم لگەل وە ھندەک مژارێن گرینگ یێن کو جڤاکا ترکیەیێ ڤە گرێدایینە، لگەل وە پارڤە بکم.”
برێز ئۆجالان نرخاند کو ئەم د پێڤاژۆیەکا دیرۆکی دە دەرباس دبن کو کریزێن جیھانی، ھەرێمی و نەتەوەیی ل ھەڤ دکن. “د ڤێ سەردەما کو قەیران ل سەر ھەڤ کەتنە، ژ بۆ چارەسەریا پرسگرێکا کورد و دەمۆکراتیکبوونا ترکیەیێ سەکناندن، دێ ژ بۆ گەلێن ترکیەیێ بێزاریا ھەری مەزن بە.” رێیا پاراستنا جڤاکا ترکیەیێ و گەلێن ھەرێمێ ل ھەمبەری قەیرانان دیارە. بانگا برێز ئۆجالان ئەشکەرەیە. ڤەگەراندنا ترکیەیێ ل سەر زەمینا دەمۆکراتیک یەکانە رێیا رزگارکرنا وێ ژ قەیرانانە.
د ڤێ چارچۆڤەیێ دە برێز ئۆجالان د ڤێ ھەڤدیتنێ دە جارەکە دن تەکەز کر کو ئەو ئارمانج دکن کو مژارێ ژ زەمینا توندی و پەڤچوونان ڤەگوھەرینن زەمینا حقووقا دەمۆکراتیک و سیاسەتا دەمۆکراتیک.
ھەر وھا برێز ئۆجالان د ھەڤدیتنا داوی دە ژ شاندا مە رە گۆت کو “نێزیکاتیا باخچەلی گەر لگەل مەژیێ دەولەتێ ببە یەک دێ ببە سەدەما پێشکەتنەکا دیرۆکی کو خزمەتا ئاشتیێ بکە”.
