د رۆژێن دەرباسبوویی دە، ھەری کێم 8 کورد ژ ئالی ھێزێن ئەولەھیێ یێن کۆمارا ئیسلامی یا رەژیما ئیرانێ ڤە ھاتن دەستەسەرکرن. ھات راگھاندن کو ئەو ئەڤ کەسەنە: پارسا رۆستەمی، پەروین ئەدوایی، ناسر ئەحمەدزادە، ئەفشین مستەفاپوور، فەرزاد حەمیدی، زاگرۆس رەسوولی، شێرزاد قالە و پارسا رەحیمی.
سازیا مافێن مرۆڤان یا ھەنگاوێ رادگھینە کو ئەڤ دەستەسەرکرن ل گەلەک باژارێن جودایێن رۆژھلاتێ کوردستانێ پێک ھاتنە.
ل گۆری ھەنگاوێ؛ ل مەھابادێ، ناسر ئەحمەدزادە (33) سالی و زاگرۆس رەسوولی (ئاکتیڤیستێ سروشتێ) رۆژا یەکشەمبی، 26ێ چلەیا 2025 ھاتنە دەستگیر کرن. ئەفشین مستەفاپوور (٤٥) سالی رۆژا شەمیێ، 25 چلەیێ ل نەغەدەیێ ھاتە دەستەسەرکرن و خستن گرتیگەھا نەغەدەیێ. فەرزاد حەمیدی (36) سالی رۆژا شەبمیێ ل کامێرانێ ھاتە دەستەسەرکرن. شێرزاد قالە رۆژا پێنجشەمی، 23یێ چلەیێ ل گوندێ نستانێ یێ ب سەر رەبەتێ ھاتە دەستەسەرکرن. پارسا رەحیمی و پارسا رۆستەمی (17) سالی رۆژا چارشەمێ، 22 ملەیێ ل سنەیێ ھاتن دەستەسەرکرن. پەروین ئەدوایی (ئاکتیڤیستا مافێ ژنان) ژی رۆژا یەکشەمبێ، 26٢٦ێ چلەیا 2025 ل مەریوانێ ھاتە دەستگیرکرن.
ھەنگاو دیار دکە کو ژ ڤان 3 کەس ژ بەر ھنجەتا گرەڤگرتنا رۆژھلاتێ کوردستانێ ھاتنە دەستەسەرکرن کو ب مەبەستا نیشاندانا نەرازیبوونێ دەربارێ سزایێ بدارڤەکرنا پەخشان عەزیزی و وریشە مرادیێ دە 22 چلەیا 2025 پێک ھات.
