ژ 23 ڤێ مه‌هێ په‌كه‌كه بوویه سه‌ده‌ما بۆردومانكرنا 27 گوندێن دهۆكێ
په‌كه‌كێ ژ ده‌ستپێكا سالا نوو ڤه و ل گۆری پیلانه‌كه قرێژ، ته‌ڤگه‌را چه‌كدارێن خوه ڤه‌گوهه‌ستیه ده‌ردوورا گوندێن دهۆكێ، ب ڤێ سه‌ده‌مێ ده‌وله‌تا ترك په‌كه‌كه ل ئاقارێ 27 گوند، گه‌لی و ده‌ڤه‌رێن دیار یێن دهۆكێ بۆردۆمان كرنه و ب سه‌دان مووشه‌ك لێ باراندنه. ئێریشان زرارێن هه‌ری مه‌زن ب خوه‌زایا هه‌رێمێ و شێنیێن گوندان خستیه.
ل گۆری ئامارێن تایبه‌ت یێن داركا مازی ژ 23 چله‌یا 2025ێ ڤه، ده‌وله‌تا ترك د ته‌عقیبا چه‌كدارێن په‌كه‌كێ ده، 27 گوند و هه‌رێمێن ده‌ڤه‌رێن به‌رواری بالا، نێهلیا، به‌رێ گاره بۆردومان كرنه.
گوند و ده‌ڤه‌رێن دهۆكێ یێن كو په‌كه‌كێ ته‌ڤگه‌را خوه خستیه تێ ده و ب وێ سه‌ده‌مێ كه‌تنه به‌ر ئێریش و بۆردومانان
پشتا گوندێ گوهەرزێ
چیایێ مەتینا
گەلیێ بازێ
گەلیێ بێشیلێ
گەلیێ شێلازا
ئاقارێ گوندێ مژێ
گەلیێ دێرا
سەرێ صوصیا ل ناحیا چەمانکێ
گەلیێ دەرگەلێ
ئاقارێ گوندێ بلاڤە
پشتا گوندێ گرگاش
گەلیێ دێرەشێ
رۆژئاڤایێ گوندێ سپیندارێ
هنداڤی گوندێ شکەفتێ
دەڤەرا هەلەفیێ ل چیایێ گارە
نێزی کەلا قومریێ
تەحتا رەزیکێ ل دەڤەرا بەرێ گارە
کەڤرە زەرێ
ئاقارێ سپیندارێ
کەڤنە مژێ
مژێ و گرگاش
چیایێ هنداڤی دەڤەرا زێباریا
پشتا گوندێن بەرچێ و سەرگەلێ
پشتا ئەلهوی ل بەرامبەر سورێ سگێرێ
مەیدانێ
سورێ سگێرێ
ده‌ردوورا گوندێ بێشیلێ
ئێریش ل ڤان ده‌م و ساعه‌تان پێكهاتنه:
2025/1/23:
ده‌مژمێر 10:00 شەڤێ بالافرێن ئارتێشا تركیێ پشتا گوندێ گوهەرز ل ناحیا دێره‌لۆکێ بۆردومانکریە و سێ مووشەک لێداینە.
2025/1/24:
ده‌مژمێر 1:20 پشتی نیڤرۆ ئارتێشا تركیێ چیایێ مەتینا ل دەڤەرا بەرواری بالا تۆپبارانکریە و دو گوللـه‌تۆپ لێداینە.
ده‌مژمێر 12:05 نیڤرۆ فڕۆکێن ئارتێشا تركیێ گەلیێ بازێ ل دەڤەرا بەرواری بالا بۆردومانکریە و یه‌ك مووشەک لێدایە.
ده‌مژمێر 4:00 تا 6:42 ئێڤارێ ئارتێشا تركیێ دو گوللـه‌تۆپ ل گەلیێ بازێ ل دەڤەرا بەرواری بالا داینە و یه‌ك ژی ل گەلیێ بێشیلێ دایە.
ده‌مژمێر 1:20 پشتی نیڤرۆ ئارتێشا تركیێ گەلیێ شێلازا و گەلیێ بێشیلێ ل دەڤەرا بەرواری بالا تۆپبارانکریە و 8 هەشت گوللـه‌تۆپ لێداینە.
ده‌مژمێر 4:30 ئێڤارێ ئارتێشا تركیێ ئاقارێ گوندێ مژێ ل دەڤەرا بەرێ گارە تۆپبارانکر و زێدەتری 10 دەهـ گوللـه‌تۆپان لێدان.
2025/1/25:
ده‌مژمێر 11:40 سپێدێ ئارتێشا تركیێ ئاقارێ گوندێ مژێ تۆپبارانکریە ی زێدەتری 15 گوللـه‌تۆپان لێدان.
ده‌مژمێر 4:10 و 4:40 ئێڤارێ بالافرێن ئارتێشا تركیێ گەلیێ دێرا و گەلیێ بازێ ل دەڤەرا بەرواری بالا بۆردومانکریە و دو مووشەک لێداینە.
ده‌مژمێر 4:55 ئێڤارێ بالافرێن ئارتێشا تركیێ سەرێ صوصیا ل ناحیا چەمانکێ ل دەڤەرا گارە بۆردومانکریە و یه‌ك مووشەک لێدایە.
ده‌مژمێر 4:00 تا 8:00 سپێدێ ئارتێشا تركیێ د ناڤبەرا گەلیێ دەرگەلێ و گەلیێ بازێ دا ل دەڤەرا بەرواری بالا تۆپبارانکریە و 7 گوللـه‌تۆپ لێداینە.
ده‌مژمێر 9:35 شەڤێ بالافرێن ئارتێشا تركیێ ئاقارێ گوندێ بلاڤە ل دەڤەرا نهێلیا ب چەکێ دۆشکا و مووشەکان بۆردومانکریە.
2025/1/26:
ده‌مژمێر 12:45 شەڤێ دوبارە هەمان دەڤەر ژ هێلا بالافرێن ئارتێشا تركیێ ڤه هاتیە بۆردومانکرن.
ده‌مژمێر 4:55 تا 5:00 ئێڤارێ بالافرێن ئارتێشا تركیێ پشتا گوندێ گرگاش و گەلیێ دێرەشێ و رۆژئاڤایێ گوندێ سپیندارێ ل دەڤەرا بەرێ گارە بۆردومانکرینە.
ده‌مژمێر 8:00 تا 10:00 شەڤێ ئارتێشا تركیێ گەلیێ دێرا ل دەڤەرا بەرواری بالا تۆپبارانکریە و 8 هەشت گوللـه‌تۆپ لێداینە.
2025/1/27:
ده‌مژمێر 3:00 تا 4:00 ئێڤارێ ئارتێشا تركیێ گەلیێ شێلازا ل دەڤەرا بەرواری بالا تۆپبارانکریە و 5 گوللـه‌تۆپ لێداینە.
ده‌مژمێر 8:57 شەڤێ بالافرێن ئارتێشا تركیێ گەلیێ بازێ ل دەڤەرا بەرواری بالا بۆردومان کریە ی یه‌ك مووشەک لێدایە.
ده‌مژمێر 9:05 شەڤی بالافرێن ئارتێشا تركیێ گەلیێ بازێ ل دەڤەرا بەرواری بالا بۆردومانکریە ی یه‌ك مووشەک لێدایە.
2025/1/28:
ده‌مژمێر 1:41 تا 1:55 پشتی نیڤرۆ بالافرێن ئارتێشا تركیێ هنداڤی گوندێ شکەفتێ و دەڤەرا هەلەفیێ ل چیایێ گارە ل هنداڤی ئاقارێ گوندێ سپیندارێ ل ناحیا چەمانکێ ل دەڤەرا به‌رێ گارە بۆردومانکریە و پتری 4 مووشەکان لێداینە.
ده‌مژمێر 2:10 پشتی نیڤرۆ ئارتێشا تركیێ ل نێزی کەلا قومریێ ل دەڤەرا بەرواری بالا تۆپبارانکریە و دو گوللـه‌تۆپ لێداینە.
ده‌مژمێر 3:05 ئێڤارێ بالافرێن ئارتێشا تركیێ تەحتا رەزیکێ ل دەڤەرا بەرێ گارە بۆردومانکریە و یه‌ك مووشەک لێدایە، پشتره ده‌مژمێر 3:48 تا 5:23 ئێڤارێ ئارتێشا تركیێ دەڤەرێن کەڤرە زەرێ، ئاقارێ گوندێن سپیندارێ، کەڤنە مژێ، مژێ و گرگاش – دەڤەرا بەرێ گارە تۆپبارانکرینە، هەروەها چیایێ هنداڤی دەڤەرا زێباریا و پشتا گوندێن بەرچێ و سەرگەلێ ل دەڤەرا نهێلیا تۆپبارانکرینە.
2025/1/29:
ده‌مژمێر 1:50 تا 2:21 پشتی نیڤرۆ بالافرێن ئارتێشا تركیێ پشتا ئەلهوی ل بەرامبەر سورێ سگێرێ، مەیدانێ و سورێ سگێرێ ل ناحیا دێره‌لۆکێ ل دەڤەرا نهێلیا بۆردومانکریە و 5 مووشەک لێداینە.
ده‌مژمێر 3:00 تا 3:30 ئێڤارێ ئارتێشا تركیێ ده‌ردوورا گوندێ بێشیلێ ل دەڤەرا بەرواری بالا تۆپبارانکریە و 7 گوللـه‌تۆپ لێداینە.
ده‌مژمێر 5:42 تا 5:50 ئێڤارێ بالافره‌كا ئارتێشا تركیێ گوندێن کەڤنە مژێ و مژێ ل دەڤەرا بەرێ گارە بۆردومانکرینە، هەروه‌ها ده‌مژمێر 6:55 تا 7:00 ئارتێشا تركیێ هەمان گوند تۆپبارانکرنە.
ژ خزیرانا سالا رابووری 2024ێ ئارتێشا تركیێ قووناغه‌كه نوو ژ ئۆپه‌راسیۆنا په‌نجه ل دژی په‌كه‌كێ ل باشوورێ كوردستانێ ده‌ستپێكربوو، رۆژانه گوندێن دهۆكێ د ڤێ ئۆپه‌راسیۆنێ ده دهاتن بۆردومان كرن.
ل داوییا سالێ سه‌رۆككۆمارێ تركیێ ره‌جه‌ب تاییب ئاردۆگان گۆت كو ئه‌وێ ل سالا نوو ئێریشێن خوه یێن ب باندۆر ل دژی په‌كه‌كێ ل هه‌ر ده‌رێ ده‌وام بكن، لوما ژی ژ ده‌ستپێكا سالا نوو ڤه ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه و د 7 رۆژێن داوین ده ب ده‌هان جاران ئێریشی گوندێن دهۆكێ كرییه.
