وەزارەتا پاراستنێ یا ترکیێ راگهاند کو د سالا 2025ان دە هەتا نها 278 چه‌كدارێن په‌كه‌كێ هاتنه كوشتن.
بەردەڤکێ وەزارەتێ زەکی ئاکتورک ئیرۆ رۆژا پێنجشه‌می 30 چله‌یا 2025ێ جڤینا چاپەمەنیێ یا هەفتانە ل ئەنقەرەیێ دا و ل گۆری ئاخافتنا وی “ته‌نێ د هەفتیا بۆری دە ل باشوور و رۆژئاڤا كوردستانێ 57 چه‌كدارێن په‌كه‌كێ و یه‌په‌گێ هاتنه كوشتن”.
هه‌ر وها گۆت: ب ته‌ڤاهی ژ ده‌ستپێكا سالا 2025ێ ڤه 278 چه‌كدار هاتنه تاسفیه كرن و ده‌ستنیشان كر، ئۆپەراسیۆنێن “بەردەوام و بەرفەرەهـ” یێن دژی په‌كه‌كێ وێ بدۆمن.
ئاکتورک، پابەندبوونا وەلاتێ خوە یا ل هەمبەری کۆمێن وەک په‌كه‌كێ، باسکێ وێ یێ سووریەیێ یه‌په‌گێ تەكەز کر و گۆت، “ل هەرێمێ رێ نایێ دایین کو ت رێخستن و کریارێن تەرۆریستی بێن کرن”.
