دژەتەرۆرا کوردستانێ: درۆنەکە بۆمبەکری ئاراستەیی کەمپا ئاوارەیێن رۆژهلاتێ کوردستانێ هات کرن

درۆنەکە بۆمبەکری ئاراستەیی کەمپا ئاوارەیێن رۆژهلاتێ کوردستانێ ل سینۆرێ پارێزگەها هەولێرێ هات کرن، لێ ئارامنجا خوە نەهنگافت و چ زرارێن جانی و مادی ژێ پەیدا نەبوون.

دژەتەرۆرا کوردستانێ راگەهاند، «درۆنەکە بۆمبەکری ئاراستەیی کەمپا ئاوارەیێن رۆژهلاتێ کوردستانێ ل بنارێ چیایێ کۆرەکی ل سنۆرێ پارێزگەها هەولێرێ هات کرن».

ل دوو زانیارێن دژەتەرۆرا کوردستانێ، ئیرۆ (پێنجشەم، 30.01.2025) ده‌مژمێر 17:40ێ ئێڤارێ، درۆنەکە بۆمبەکری ئاراستەیی کەمپا ئاوارەیێن رۆژهلاتێ کوردستانێ ل بنارێ چیایێ کۆرەکی ل سنۆرێ پارێزگەها هەولێرێ هات کرن.

دژەتەرۆرا کوردستانێ هەروەسا راگەهاند، «وێ درۆنێ ئارامنجا خوە نەهنگافت و پووچ بوو و کەفت، هەروەسا چ زرارێن جانی و مادی ژێ پەیدا نەبوون».