مەزلووم عه‌بدی: ئۆجالان دێ 15ێ سباتێ باخڤە
فەرماندارێ گشتییێ هێزێن سووریەیا دەمۆکراتیک (هه‌سه‌دێ) مەزلووم عه‌بدی دیار کر کو ئۆجالان دێ د 15ێ سباتێ دە نامەیەکێ بەلاڤ بکە.
فەرماندارێ هه‌سه‌دێ راگهاند کو ئۆجالان دێ د پەیاما خوە دە بەحسا سووریێ و رۆژئاڤایێ کوردستانێ بکە.
مەزلووم عه‌بدی گۆت، “ئەم باوەر دکن کو ئۆجالان دێ بەحسا باکور و رۆژهلاتێ سووریەیێ ژی بکە”.
فەرماندارێ گشتییێ هه‌سه‌دێ بەریا ب چەند رۆژان ب شاندەیەکە ئاکادەمسیەن و رۆژنامەڤانێن ئەورۆپی رە جڤیا.
رۆژنامەگەرێن ئیتالی چیارا كروشیات، جانساندرۆ مرلی ژی د ناڤا شاندەیێ دە بوون و چاڤدێریێن خوە د مالپەرا manifesto دە نڤیسین.
ل گۆری نڤیسا چیارا كروشیات، جانساندرۆ مرلی مەزلووم عه‌بدی ژ شاندەیێ گۆت، «گەلەک دۆستێن مەیێن ئەورۆپی هەنە لێ هەر کەس وێ جەسارەتێ ناکە کو وەرە مە زیارەت بکە و هەر کەس نکارە وێ قەهرەمانیێ بکە».
فەرماندارێ هه‌سه‌دێ ژ وێ شاندەیێ رە به‌حسا پێشهاتێن داوی یێن سیاسی کر.
مەزلووم عه‌بدی به‌حسا پەیاما رێبەرێ په‌كه‌كێ عه‌بدوللا ئۆجالان کر و ئەشکەرە کر کو تێ چاڤەرێکرن 15 سباتێ ئۆجالان نامەیەکێ ئەشکەرە بکە.
فەرماندارێ هه‌سه‌دێ د زانین کو ئۆجالان دێ د پەیاما خوە دە به‌حسا سووریێ و رۆژئاڤایێ کوردستانێ ژی بکە.
