رۆژنامەیەکا عەرەبی ئاماژە ب وێ یەکێ دکە کو ھلوەشینا رەژیما بەشار ئەسەد و دەستپێکرنا قۆناغەکا نوو ل دیرۆکا سووریێ پێکھاتیە و سەرۆک بارزانی رۆلەکی ب باندۆر د یەکتیا کوردێن سووریێ و گرێدانا وان یا ب پرۆسەیا سیاسی یا نوو یا وی وەلاتی و بدەستخستنا مافێن کوردان دە لیستیە.
د ڤێ دەربارێ دە بەشا ئینگیلیزی یا رۆژنامەیا ئیستقلال کو ب عەرەبی چاپ دبە و پرانیا راپۆرتێن وێ دەربارێ فلیستینێ نە، د راپۆرتا خوە یا نوو دە ب تایتلێ “یەکگرتیبوونا کوردان، دیمەنێ سیاسی ل سووریەیا نوو دگوھەرە” بەلاڤ کر و بەحسا جڤینا ناڤبەرا سەرۆک بارزانی و سەرۆکێ ھێزێن سووریا دەمۆکراتیک مەزلووم عەبدی کریە کو ئەو جڤین ل باژارێ ھەولێرێ پێکھات.
دەربارێ جڤینا سەرۆک بارزانی یا ل گەل مەزلووم عەبدی دە ئەو رۆژنامە ئاماژە ب وێ یەکێ دکە کو؛ “ئەو جڤین ب یەک ژ جڤینێن ھەری گرنگ تێ زانین. ب تایبەت د دەمەکی دە کو سووریە د قۆناغا گوھەرتنێن سیاسی یێن مەزن یێن پشتی ھلوەشینا رەژیما بەشدار ئەسەد دەیە.”
ھەروەھا دبێژە: ئارمانجا سەرەکی یا جڤینێ پێکدھات ژ یەکخستنا ئەنیا کورد ل سووریێ و ھەولدانا ژ بۆ ئاڤاکرنا پەیوەندیێن بھێز ل گەل حکوومەتا نوویا سووریێ. ھەروەھا مەزلووم عەبدی د جڤینێ دە داخواز ژ سەرۆک بارزانی کریە کو ناڤبەینکار بە ل گەل ترکیێ ژ بۆ راگرتنا ئێریشێن سەر ھەسەدێ. ھەروەھا بەحسا پرۆسەیا گوھەرتنێن سووریێ کرنە و و ئاماژە ب وێ یەکێ کریە کو پێگەھا کوردان ل سووریێ دڤێت یەکگرتی بمینە. بەحسا وێ یەکێ ژی ھاتیە کرن کو ل سووریێ دەرفەتەکا زێرین ھەیە ژ بۆ کو رۆلەکی گرنگ د دارشتنا سووریەیا پاشەرۆژێ دە بگرن سەر خوە.”
د بەشەکا دن یا وێ راپۆرتێ دە بەحس ھاتیە کرن کو ئەو جڤین دکارە ببە پێنگاڤەکا گرنگ ژ بۆ یەکخستنا کوردێن سووریێ و گرێدانا وان یا ب پرۆسەیا سیاسی یا سووریەیا نوو. ھەروەھا دکارە رۆلەکی گرنگ د کێمکرنا باندۆرێن پەکەکێ یێن ل سەر کوردێن سووریێی و ئیراقێ دە بلیزە.
بەرزنجی ئاماژە ب وێ یەکێ ژی کریە کو سەردانا مەزلووم عەبدی و جڤینا وی یا ل گەل سەرۆک بارزانی گەلەک گرنگە، ھەروھا ل ھەمبەر وێ ژی پەیوەندیێن بھێز ل گەل ئیدارەیا نوویا سووریێ خولقاندیە.
بەرزنجی دیار کریە: پاراستنا پەیوەندیێن کوردێن سووریێ ل گەل ئالیێن سەر ب ئیرانێ، ئالیکار نابە ژ بۆ چارەسەرکرنا ئالۆزیێن ل گەل شامێ.”
