ههسهدێ راگهاند، د بەرخوەدانا ل دژی ئێرشێن ئارتێشا ترکیەیێ و چەکدارێ سەر ب وێ ڤە، لەشکەرەکی ترک و 4 چەکدار هاتن کوشتن.
ناڤەندا راگهاندنێ یا هێزێن سووریەیا دەمۆکراتیک (هه‌سه‌ده) ئیرۆ 2ێ سباتێ د داخویانیەکێ دە راگهاند، هێزێن وان دوهـ د چارچۆڤەیا بەرسڤا رەوا یا ل هەمبەری ئێریشێن ترکیەیێ و گرووپێن چەکدار دە، چەلاکی ل هەرێما پرا قەرەقۆزاقێ و منبجێ کرن.
دا زانین ژی، د 3 چالاکیان هێزێن وان ل هەرێما گرێ قەرەقۆزاقێ دە، 4 چەکدار هاتن کوشتن، 10 چەکدار بریندار بوون و ئەرەبەیەکە لەشکەری هات ژناڤبرن.
ئاماژە ب وێ ژی کر، هێزێن ههسهدێ ل ئه‌نیا باکورێ بەنداڤا تشرینێ، ل کۆمبوونێن چەکداران دان و ل ور ژی کوشتی و بریندارێن چەکداران چێبوون، لێ هەژمارا وان دیار نەکر.
ل گۆری داخویانیێ، هێزێن مەجلسا لەشکەری یا تل تەمرێ چالاکیەک کر و د ئەنجامێ دە لەشکەرەکی ترک هات کوشتن و 2 لەشکەرێن دن ژی بریندار بوون. هەروها پەرگالەکە رادارێ و یا چاڤدێریێ ژی هاتن ژناڤبرن.
