ئیستخباراتا ده‌وله‌تا ترك میتێ ب ئۆپه‌راسیۆنه‌كێ به‌رپرسێ په‌كه‌كێ یێ ب ناڤێ مورات كه‌له‌ش و كۆدناڤێ به‌رخودان هاروون ل خاكوركێ كوشت.
مه‌دیایا فه‌رمی یا تركیه‌یێ ئیرۆ رۆژا ئینی 7 سباتا 2025ێ به‌لاڤكر كو میتێ به‌رپرسه‌كی گرینگ یێ په‌كه‌كێ ب ناڤێ مورات كه‌له‌ش و كۆدناڤێ به‌رخودان هاروون ل چیایێ خاكوركێ كوشتیه.
هات تەسبیتکرن مورات كه‌له‌ش ل چۆلوارێن خواکورکا باشوورێ كوردستانێ، د ناڤا رێخستنا په‌كه‌كێ ده د ئاستا بەرپرسیاریێ دا یه.
هه‌روها ل گۆری مه‌دیایا تركیه‌یێ، مورات کەلەش شاندنا تەقەمەنیێ ژ بۆی په‌كه‌كێ ئۆرگانیزە دکر، ژ چه‌ندین چالاكیێن ل دژی ئارتێشا تركیه‌یێ ل سلۆپیێ به‌رپرسیار بوو و د لیستا داخوازكریێن تركیه‌یێ ده بوو.
مه‌دیایا تركیێ ده‌ستنیشان كر كو مورات كه‌له‌ش د ئەنجاما ئۆپەراسیۆنا یەکدەربی یا میتێ دا هات كوشتن.
رێخستنا په‌كه‌كێ رۆژا 29 چله‌یا 2025ێ كوشتنا مورات كه‌له‌ش و دو چه‌كدارێن دن یێن رێخستنێ راگهاندبوو و گۆتبوو، مورات ل جۆتمه‌ها 2024ێ كه‌تبوو به‌ر ئێریشێ.
ناسنامه‌یا چه‌كدارێن خاكوركێ پشتی ساله‌كێ ژ نوو ئاشكه‌ره بوو
