پشتی سەردانا شاندا پارتیا دەمێ بۆ ئیمرالیێ و پێڤاژۆیا پێوەندیا لگەل سیاسەتمەداران گەشەدانێن نوو بەردەوام دکن. ھەڤسەرۆکێ دەمێ باکرھان ئیدیعاکر کو، دێ ئۆجالان 15 شوباتێ بانگا خوە بکە. پشتی ڤێ روودانێ ئەندامێ رێڤەبەریا پەکەکێ موراد کارایلان ژی د مەدیا پەکەکێ دە داخویانیەک دا.
ھێژ بانگا موحتەمەل یا کو ئۆجالان دێ بدە نەھاتیە کرن، لێ بەلێ ب ئاوایەکی قەندیل بەرسڤا وێ بانگێ ددە. داخویانیا کارایلان ژی د ڤێ چەرچۆڤێ دەیە.
موراد کارایلان د دەربارێ بانگا ئۆجالان دە دبێژە: “گەلۆ ئەڤ ب یەک بانگەوازیا ئۆجالان کو بێژە دەست ژ چەکان بەردن دێ ب داوی هێت؟” کارایلان دبێژە کو، بێی کو ئۆجالان ب خوە تەڤلی ھەڤدیتنان ببە، ب ڤدیۆیەکی ئەڤ یەک نابە.
کارایلان بەردەوامیا ئاخاڤتنا خوە دە دبێژە: ژ بەری ھەرتشتەکی گەرەک ئۆجالان داخوازیا کۆمبونا کۆنگرەیەکی یا پەکەکێ بکە و ئەو ب خوە ژی د کۆنگرەیێ دە ئامادە بە ھەتا ئەڤ پرس بێ رۆژەڤێ.
قەندیل ژ نھاڤە ژ بۆ بانگا موحتەمەلا ئۆجالان خوە ئامادە دکە. قەندیل ژ ئۆجالان پێتر د بن باندۆرا ئیرانێ و ھندەک ئالیێن دن دەیە. بێ گومان دێ ب بانگا ئۆجالان د ناڤا پەکەکێ و ئالیێن گرێدایی پەکەکێ دە پێڤاژۆیەک دن دەستپێ بکە.. لێ ھێژان نە دیارە کا دێ ئەڤ پێڤاژۆیە ب چ ئاوایی بت.
