مەدیایا ترکیێ ناما کو ئۆجالان دێ ژ بۆی قەندیلێ رێبکە ئەشکەرە کر. د ڤێ دەربارێ دە نووچەیا ھاتی وەشاندن ب ڤی ئاوایییە:
د دەما کو ھەڤدیتنێن د ناڤبەرا دەم پارتیێ، میتێ و ئیمرالیێ دە پشتی بانگا سەرۆکێ مەھەپێ باخچەلی یا “ترکیەیا بێ تەرۆر” زێدە بوون، ھات ئیدیعاکرن کو مژارا بازار و عەفوویێ ل سەر مێزەیێ نینە و سەرۆکێ پەکەکێ ئۆجالان نامەیەک ژ بۆی رێخستنێ نڤیساندیە. ل گۆری ئاگاھیێن ژ چاڤکانیێن ئەولەھیێ ھاتین وەرگرتن، ئۆجالان کو ناھێلە رێخستن خوە فەرز بکە، د وێ باوەریێ دەیە کو “من رێخستن ئاڤا کریە، ئەز دێ ژ ھۆلێ راکم.”
“ھەموو بریار دانان سەر مێزەیێ”
ل گۆری نووچەیا یوجەل کایاۆغلوو ژ رۆژنامەیا ترکیەیێ، ئۆجالان نامەیەک ژ بۆی پەکەکێ نڤیساندیە. د ھەڤدیتنێن د ناڤبەرا ھێزێن ئەولەکاریێ و ئۆجالان دە، تێکلداری ناڤەرۆکا نامەیێ چ داخویانی نەھاتنە دایین، ناڤەرۆکا بانگا دانینا چەکان، رێبازا کو دێ هێت کرن و باندۆرا وێ ل سەر رێخستنێ ھەبە یان نا، د ھەڤدیتنێن ھێزێن ئەولەکاریێ و ئۆجالان دە تێن نرخاندن. چاڤکانیێن ئەولەکاریێ گۆتن، “ئەڤ ھەڤدیتن د ناڤبەرا شاندا دەم پارتیێ، ئۆجالان و میتێ دە تێن کرن. بانگا دانینا چەکان دێ چاوا هێت کرن، ب چ ئیفادەیان دێ ب دەڤکی، نڤیسکی بە یان رووبروو بە؟ ئەڤ تێن نیقاشکرن. کیژان ژ ڤان ڤەبژارکان دێ ب باندۆر بە، تێ نرخاندن. پشتی کو بگھێژن نوقتەیەکا دیارکری، دێ تێکلداری بانگا ئۆجالان گاڤ بێن ئاڤێتن.”
ل گۆری ئاگاھیێن ژ چاڤکانیێن ئەولەھیێ ھاتین وەرگرتن، ئۆجالان رێ نادە فەرزکرنا رێخستنێ و د وێ باوەریێ دەیە کو “من رێخستن ئاڤا کریە و ئەز دێ ژ ھۆلێ راکم.” ھاتە دیارکرن کو د ھەڤدیتنان دە ھندەک داخوازێن ئۆجالان ھەبوون، لێ بەلێ مژارا “عەفوویێ” قەت نەھات نیقاشکرن. ل پشت پەردەیێ تێ راگھاندن کو گەر رێخستن ب تەڤاھی دەست ژ چەکان بەردە، دێ ژ بۆ گرتیێن نەخوەش و ئەختیار ژی سزایێن مایی یێن د حەپسا مالێ دە بقەدینن. چاڤکانیێن ئاکەپێ گۆتن، “تشتا کو ل ڤر دڤێت بێ کرن ئەوە کو دەست ژ چەکان بەردن. وێ دەمێ ئەم دێ ببینن کو تشتەک کێمە. بێیی کو چەکان دەینن و ڤێ یەکێ ب ئاوایەکی بەربچاڤ نەبینن، گاڤ نایێن ئاڤێتن.”
وەزیرێ داد یێ ترکیەیێ یلماز توونچ ژی ب بیر خست کو رۆژەڤا وان یا عەفوویێ نینە و گۆت، “ل گۆری تاوانێن نەخوەشێن ئەختیار، گرتیێن ژ 65 سالان مەزنترن و گرتیێن ژ 70-80 سالان مەزنترن، دبە کو زیندانا ل مالێ پێک بێن. دەر بارێ کەسێن کو بێیی ئالیکاریا کەسێن دن نکارن ژیانا خوە بدۆمینن، دبە کو رێزکنامە ھەبە.”
ژ ئالیێ دن ڤە ھەتا نھا شاندا دەمێ داخوازا ھەڤدیتنا سێیەما لگەل ئۆجالان نەکریە. ھات ئیدیعاکرن کو شاندێ بەریا بانگا ئۆجالان یا ژ بۆ دانینا چەکان خوەستیە لگەل ئاکەپێ “بنگەھا قانوونی یا پێڤاژۆیێ” باخڤە. ل پشت پەردێ، قانوونا دژی تەرۆرێ؛ ھاتە دیارکرن کو ژ بلی قانوونا سێدارەدانێ، د دەربارێ پێکانینێن قەیوومان دە دکارە لگرل ئاک پارتیێ نرخاندنەک بێ کرن. ھاتە دیارکرن کو شاندەیا دەمێ دێ لگەل ھندەک رێخستنێن سڤیل و ھندەک ناڤێن شاندەیا ئاقلمەندێن پێڤاژۆیا چارەسەریێ یا بەرێ ژی بجڤە.
ھاتە ھینبوون کو ئەحمەد تورک کو د ھەڤدیتنێن شاندا دەمێ یا لگەل پارتیێن سیاسی ئامادە بوو، گۆتیە ئاک پارتیێ، “تەندورستیا من نەباشە. ب راستی ئەز دخوازم بەریا کو ئارامی خراب ببە، ئەرکا خوەیا داوی پێک بینم.”
