ھونەرمەندێ کورد مەم ئارارات بانگا دەرسێن بژارتەیێن کوردی کر.
سەرلێدان ژ بۆ دەرسا کوردی (کورمانجی و زازاکی) یا د چارچۆڤەیا دەرسێن ھلبژارتی یێن د پۆلێن 5، 6، 7 و 8 دە ژ بۆ سالا پەروەردەھیا 2025-2026 دەست پێ کر.
وەزارەتا پەروەردەیا نەتەوی یا ترکیێ راگھاند کو د سالا خوەندنێ یا داوی دە 31 ھەزار و 199 خوەندەکاران دەرسا کورمانجی و 3 ھەزار و 805 خوەندەکاران ژی دەرسا زازاکی ھلبژارتیە.
پێڤاژۆیا ھلبژارتنا دەرسێن ھلبژارتی یێن سالا خوەندنێ یا 2025-2026 د 3یێ شوباتێ دە دەست پێ کر و دێ ھەتا 17ێ شوباتێ بەردەوام بکە.
مەم ئارارات (مەھمەت ئەسەن) کو د ناڤا کوردان دە خوەدی حەزەک مەزنە، ژ بۆ دەرسا کوردی ل سەر حەسابا خوەیا X داخویانیەک دا و راگهاند:
“دڤێت ئەم کوردی ھلبژێرن”
ئارارات ئەڤ داخویانی دا:
“چاوا مرۆڤان روح ھەنە، روحا نەتەوەیان ژی ھەنە.
ب من روحا نەتەوەیان زمان و چاندا نەتەوەیانە. دەما زمان دمرە چاند ژی دمرە و دیرۆک تەنێ دبە رووپەلەک ژ پرتووکان.
دۆستنۆ دڤێت ئەم کوردی ھلبژێرن.
کوردبوون بێیی کوردی نابە!”
