هێزێن سووریه‌یا ده‌مۆكراتیك راگهاند هه‌سه‌دێ راگهاند كو 3 چه‌ته‌یێن كو تركیه پشتگریێ دده وان، ل گونده‌وارێ تل ته‌مرێ ژ هێلا وان ڤه د په‌ڤچوونان ده هاتنه كوشتن.
ناڤه‌ندا راگهاندنا هه‌سه‌دێ ئیرۆ رۆژا دوشه‌می 10 سباتا 2025ێ راگهاند ژ دوهـ رۆژا 9 سباتێ ڤه په‌ڤچوونێ دژوار ل گونده‌وارێ تل ته‌مرێ چێبوونه، هه‌سه‌دێ چالاكی ل دارخستن و 3 چه‌ته‌یێن كو تركیه پشتگریێ دده وان كوشتن.
هه‌سه‌دێ گۆت كو هێزێن مە د چارچۆڤەیا چالاکیێن بەرسڤدایینا رەوا یێن ل هەمبەری ئێرشێن دەولەتا ترک و چەتەیێن وێ و هەدەفکرنا سڤیلان و گوندێن تژی سڤیل دە، دوهـ (یەکشەم) ل گوندێ قاسمیێ یێ ل باکورێ تل تەمرێ چالاکیەک ل دژی بارەگەها ئارتێشا ترک و چەتەیێن وێ ل دار خست. د چالاکیێ دە ٢ چەتە هاتن کوشتن و ئەرەبەیەک وان یا لەشکەری هات رووخاندن.
ده‌ستنیشان كر، چالاكیه‌كه دن ژی ل دژی نوقتەیەکە چەتەیان هات ل دار خستن. ب قاسی كو هات زانین چەتەیەک هاتیه کوشتن.
هه‌سه‌دێ هه‌ر وها ئاشكه‌ره كر، ل ئەنیا قەرەقۆزاخێ ژی دو چالاکی هاتنه ل دار خستن. چالاکی ل دژی بارەگەها تركان ل سەر گرێ قەرەقۆزاخێ و گوندێ هۆشەریێ هات کرن و د ئەنجامێ دە 7 چەتە بریندار بوون.
