وەکە تێ دیتن، ژبەر شکەستنێن بەردەوام ل همبەر ترکیەیێ، پەکەکێ ته‌ڤگه‌را چه‌كدارێن خوه‌ ڤه‌گوهه‌ستیه‌ ده‌ردوورا گوندێن دهۆكێ، ب ڤێ سه‌ده‌مێ ده‌وله‌تا ترك د دەما 12 رۆژێن دەرباسبوویی دە هەژمارەکە هەری زێدە یا گوند، گه‌لی و ده‌ڤه‌رێن دیار یێن دهۆكێ بۆردۆمان كرنه‌ و ب سه‌دان مووشه‌ك لێ باراندنه‌. ڤان ئێریشان زرارێن هه‌ری مه‌زن ب خوه‌زایا هه‌رێمێ و شێنیێن گوندان خستیه‌.

جیهێن هاتین بۆمبەبارانکرن ئەڤن:

30/1/2025

دەمژمێر 10:25 سپێدێ، لەشکەرێ ترکیەیێ دەردۆرێن گوندێ بێشیلێ یێ سەر ب دەڤەرا بەرواری بالا ڤە بۆمبەباران کریە.

دەمژمێر 11:300 شەڤێ، لەشکەرێ ترکیەیێ ل نێزی خالا پاسەوانێن سینۆری ل گوندێ سەرەروو یێ سەر ب دەڤەرا بەرواری بالا ڤە بۆمبەباران کریە.

1/2/2025

دەمژمێر 2:20 نیڤرۆ، بالافرێن شەر یێن ترکیەیێ پشتا گوندێ سگێرێ یێ سەر ب دەڤەرا نهێلێ ڤە بۆمبەباران کریە.

دەمژمێر 4:35 هەیانی 4:40 ئێڤاری، لەشکەرێ ترکیەیێ گوندێ مژێ، کەڤنە مژێ و سپیندارێ یێن سەر ب دەڤەرا بەرێ گارێ ڤە بۆمبەباران کرینە.

دەمژمێر 9:20 شەڤێ، هەلیکۆپتەرێن شەر یێن ترکیەیێ ب چەکێ دۆشکا و مووشەکان تونەلا هنداڤی گوندێ گوهەرزێ یێ سەر ب دەڤەرا نهێلێ ڤە بۆمبەباران کریە.

2/2/2025

دەمژمێر 12:30 هەیانی 1:30 نیڤرۆ، لەشکەرێ ترکیەیێ گەلیێ شیلازا یێ سەر ب دەڤەرا بەرواری بالا ڤە بۆمبەباران کریە.

دەمژمێر 1:10 نیڤرۆ، لەشکەرێ ترکیەیێ جارەکە دب گوندێ مژێ و کەڤنە مژێ یێن سەر ب دەڤەرا بەرێ گارێ ڤە بۆمبەبارانکریە.

دەمژمێر 5:41 هەیانی 5:44 ئێڤاری، فرۆکەیێن شەر یێن ترکیەیێ دەڤەرا سەرێ ملێ ل هنداڤی سەرۆکانیا گوندێ سەرگەلێ و تونەلا پەکەکێ یا هنداڤی گوندێ گوهەرزێ و پشتا گوندێ سپیندارێ بۆمبەباران کرنە.

4/2/2025

دەمژمێر 12:10 نیڤرۆ، فرۆکەیێن شەر یێن ترکیەیێ گوندێ بازێ یێ سەر ب ناحیا کانیماسێ بۆمبەباران کریە.

دەمژمێر 1:40 نیڤرۆ، بالافرێن شەر یێن ترکیەیێ سەرێ سۆسیا ل باکورێ رۆژهلاتێ ناحیەیا چەمانکێ بۆمبەباران کریە.

دەمژمێر 4:50 ئێڤاری، لەشکەرێ ترکیەیێ چیایێ مەتینا-ناحیا کانیماسێ بۆمبەباران کریە.

5/2/2025

دەمژمێر 10:50 سپێدێ، بالافرێن شەر یێن ترکیەیێ جارەکە دن تونەلا پەکەکێ یا دکەڤە چیایێ مەتینا ل هنداڤی گوندێ گوهەرزێ بۆمبەباران کریە.

دەمژمێر 2:00 هەیانی 4:00 ئێڤاری، لەشکەرێ ترکیەیێ چیایێ گابنیرکێ، گەلیێ گیلکا، گەلیێ شێلازا و دەرگەلا موسا بەگێ یێن سەر ب ناحیا کانیماسێ ڤە بۆمبەباران کرنە.

دەمژمێر 6:05 ئێڤاری، بالافرێن شەر یێن ترکیەیێ دیسا تونەلا پەکەکێ یا دکەڤە هنداڤی گوندێ گوهەرزێ بۆمبەباران کریە.

7/2/2025

دەمژمێر 12:20 نیڤرۆ، فرۆکەیێن لەشکەرێ ترکیەیێ گەلیێ دێرا یێ سەر ب ناحیا کانیماسێ بۆمبەباران کریە.

دەمژمێر 3:00 نیڤرۆ، لەشکەرێ ترکیەیێ دیسا گوندێ مژێ و کەڤنە مژێ یێن سەر ب دەڤەرا بەرێ گارێ بۆمبەباران کرنە.

9/2/2025

دەمژمێر 7:45 سپیدێ، فرۆکەیێن لەشکەرێ ترکیەیێ تونەلا چەکدارێن پەکەکێ یا ل هنداڤی گوندێ گوهەرزێ دیسا بۆمبەباران کر، هەر وەها د هەمان رۆژ دە دیسا ل دەمژمێر 9:25 سپێدێ، لەشکەرێ ترکیەیێ گوندێ مژێ بۆمبەباران کر.

10/2/2025

دەمژمێر 3:35 نیڤرۆ، درۆنێن ترکیەیێ ئاقارێ گوندێ گەلناسکێ یێ سەر ب ناحیا مانگێشک ل دەڤەرا دۆسکیا بۆمبەباران کریە.

دەمژمێر 5:15 ئێڤاری، فرۆکەیێن شەر یێن ترکیەیێ د ناڤبەرا برجینێ و ئەرمشتێ یێن سەر ب دەڤەرا گولیا بۆمبەباران کرنە.

دەمژمێر 2:30 نیڤرۆ، لەشکەرێ ترکیێ گەلیێ دێرا یێ سەر ب ناحیا کانیماسێ بۆمبەباران کریە.

دەمژمێر 2:30 شەڤێ، لەشکەرێ ترکیەیێ کێریێ شێلازا یێ سەر ب ناحیا کانیماسێ بۆمبەباران کریە.

11/2/2025

دەمژمێر 10:00 سپێدێ، فرۆکەیێن لەشکەرێ ترکیەیێ دەردۆرێن گوندێ هێسێ یێ سەر ب ناحیا کانیماسێ بۆمبەباران کریە.

ژ خزیرانا سالا رابووری 2024ێ ئارتێشا تركیێ قووناغه‌كه‌ نوو ژ ئۆپه‌راسیۆنا په‌نجه‌ ل دژی په‌كه‌كێ ل باشوورێ كوردستانێ ده‌ستپێكریە و رۆژانه‌ گوندێن دهۆكێ د ڤێ ئۆپه‌راسیۆنێ ده‌ تێن بۆردومان كرن.

ل داوییا سالێ سه‌رۆككۆمارێ تركیێ ره‌جه‌ب تاییب ئاردۆگان گۆت كو ئه‌وێ ل سالا نوو ئێریشێن خوه‌ یێن ب باندۆر ل دژی په‌كه‌كێ ل هه‌ر ده‌رێ ده‌وام بكن، لوما ژی ژ ده‌ستپێكا سالا نوو ڤه‌ ئارتێشا تركیێ دیسا ئێریشێن هه‌وایی یێن ل دژی په‌كه‌كێ ل باشوورێ كوردستانێ دژوار كرنه‌ و د 12 رۆژێن داوین ده‌ ب ده‌هان جاران ئێریشی گوندێن دهۆكێ كرییه‌.