هه‌سه‌دێ ناسنامەیێن 8 شەرڤانان ئاشکەرە کرن

هێزێن سووریەیا دەمۆکراتیک (هه‌سه‌د) ناسنامەیێن 8 شەرڤانێن کو جانێ خوە ژ دەست دایە ئاشکەرە کرن.

هه‌سه‌دێ د داخویانیەکە خوە دە راگهاند کو 8 ئەندامێن وان د جهـ و دیرۆکێن جودا دە ل رۆژئاڤایێ کوردستانێ جانێ خوە ژ دەست دایە و ناسنامەیێن وان ئەشکەرە کرن.

د داخویانیێ دە هات دیارکرن کو شەر ل کۆبانی، بەنداڤا تشرینێ و پرا قەرەقۆزاقێ دژوار بوویە.

هەر وها هات دیارکرن کو شەرڤانێ هه‌سه‌دێ یێ ب ناڤێ خەلیل بۆزێ یێ ژ کۆبانیێ ژ بەر «نەخوەشیەکە گران» جانێ خوە ژ دەست دایە.

ناسنامەیێن شەرڤانێن کو جانێ خوە ژ دەست دایە وهانە:

• نیهاد حەج ژ گرێ سپیێ.

• مەحموود نەواف ژ رەقایێ.

• ئەحمەد ئەل مونیفێ ژ دێرەزۆرێ.

• حەموود محه‌مه‌د ژ دێرەزۆرێ.

• حەیدەر خزێم ژ دربێسیێ.

• نەواف قەت ژ شەدادێ.

• خەلیل بۆزێ ژ کۆبانیێ.

• موهەنەد محه‌مه‌د ژ رەقایێ.