پەکەکە: بلا ترکیە نەترسە، ئۆجالان و گەلێ کورد دەولەتێ پارچە ناکن

پەکەکێ ب بۆنەیا سالڤەگەرا 26ێ یا گرتنا عەبدوللا ئۆجالان داخویانیەک بەلاڤ کر و تێ دە گۆت: ب داخویانیا عەبدوللا ئۆجالان یا کو تێ ھێڤیکرن، دێ پێڤاژۆیەکا نوو دەست پێ بکە.

پەکەکێ د بەردەوامیا داخویانیا خوە دە دەربارێ پێڤاژۆیێ دە گۆت، دیارە کو ل گەل داخویانیا ئۆجالان یا تێ ھێڤیکرن، دێ پێڤاژۆیەکا نوو دەست پێ بکە. بێ گومان ھەر تشت ب داخویانیەکێ پێک نایێ و ھەر تشت ژ ئالیێ ئۆجالان ڤە نایێ کرن.”

پەکەکێ ھەروەھا گۆت، ئەگەر ئالۆزیەکا جدی و دەستوەردانەکا دەربەیی پێک نەیێ، دێ ژ ئالیێ ئۆجالان ڤە پێڤاژۆیەکا نوو دەست پێ بکە. بلا دەولەت نەترسە، ئۆجالان و گەلێ کورد دەولەتێ پەرچە ناکن، دێ گرێدایی ئازادیا گەلێ کورد، ژ بۆ دەمۆکراتیکبوونا ترکیەیێ بخەبتن.

پکک دبێژە: “وەکە کو پرسگرێکا مە ھەموویانە، بەرپرسیاری ژییانا مە ھەموویانە. دڤێت ھەر کەس د ڤێ پێڤاژۆیا نوو دە ئەرک و بەرپرسیاریێن خوە راست فێم بکە، خوەدی لێ دەرکەڤە و د پراتیکێ دە ب جھ بینە.”