رێڤەبەریا خوەسەر رەخنە ل کۆمیتەیا کو ژ بۆ ئامادەکرنا دیالۆگا نیشتیمانی ھاتیە ئاڤاکرن دکە و دبێژە، ئەڤ کۆمیتە نوونەرتیا ھەموو پێکھاتەیێن گەلێ سووریەیێ ناکە و گەلێ سووریەیێ ڤێ یەکێ قەبوول ناکە.
د 11ێ ڤێ مەھێ دە، سەرۆکاتیا سووریەیێ ئاڤاکرنا کۆمیتەیەکا 7 کەسان ژ بۆ ئامادەکرنا کۆنفەرانسا دیالۆگا نیشتیمانی راگھاند، رێڤەبەریا خوەسەر ئیرۆ 15ێ شوباتێ د داخویانیەکێ دە ھەلوەستا خوە ل ھەمبەر کۆمیتەیێ راگھاند.
داخویانیا رێڤەبەریا خوەسەر:
ژ بۆ رایا گشتی
لگەل ھلوەشاندنا رەژیما بەعس و دەستھلاتدار ھێڤیێن گوھەرتنەکا راستەقینە د نێزیکاتی و رێبازێن شامێ دە نوو بوون، ژ بۆ بدەستخستنا داخوازێن گەلێ سووریێ ل سەر بنگەھ و پیڤانێن راستێن کو رەوشا راست یا سووریێ تەمسیل دکن و داخوازێن خوە ژ بۆ ئاڤاکرنا پێشەرۆژەکا خوەیا دەمۆکراتیک دیار دکن، ژ بەر کو ئەڤ یەک بوو ئارمانجا گشتی یا گەلێ سووریێ ژ دەستپێکا تەڤگەرا سیاسی و بەریا کەتنا قادا سیاسی دە.
د داخویانیا کۆمیتەیا ئامادەکارا ژ بۆ دیالۆگا نیشتیمانی ل سووریێ پیڤانێن سینۆردارکرنێ نیشان دا. ئەڤ نێزیکاتیا شاش یا ژ راستیێ و دیمەنێ سووریێ ب گشتی رە نیشان ددە، و د ھەمان دەمێ دە کێماسیەکا ئەشکەرە د پێڤاژۆیا گوھەرتنا دەمۆکراتیکا سووریێ یا نوو دە نیشان ددە.
ئەڤ مارژینالبوون و گرتنا رەوشەکە “گرتی” بێ نەرمی ژ ئالیێ ڤێ کۆمیتێ ڤە، مەترسیا ڤەگەراندنا تشتان ل سیستەما ناڤەندی یا کەڤن دکە، و ئەو تشتێ کو ئەم نە ھێڤی دکن و نە ژی تەرجیح دکن ل باکور و رۆژھلاتێ سووریێ یە.
پێدڤیا مەیا ئیرۆ پێویستی ب نوونەرتیا راست یا ھەموو سووریان “بێیی دوورخستن” ھەیە، ھەر وھا پێشخستنا زەلالا پیڤانێن یەکتی و ھەڤپاریا نشتمانی یا سووریێ، ب تایبەت ب بەرچاڤگرتنا پێویستیێن قۆناغا ڤەگوھێز ب بەشداریا راستین و دەمۆکراتیکا ھەموو تەڤگەرێن سیاسی و سڤیل و ژنان، کو نیشاندانا رەوشا بەشداریێ ل سووریێ، بێیی پاشگوھکرن و دوورخستنا ئیرادە و بریارا نێزیکی 5 ملیۆن سووری ل ھەرێمێن مە.
ئەم د رێڤەبەریا خوەسەر یا دەمۆکراتیک یا ھەرێما باکور و رۆژھلاتێ سووریێ دە تەکەز دکن کو کۆمیتەیا کو ژ بۆ ئامادەکرنا دیالۆگا نیشتیمانی ھاتیە ئاڤاکرن کۆمیتەیەکە کو نوونەرتیا ھەموو پێکھاتەیێن گەلێ سووریێ ناکە ژ بەر کو داخوازێن پێکھاتەیێن ل سووریێ پێک نایینە، ژ بەر دوورخستنا ب ڤی رەنگی یا کو ژ ئالیێ وێ ڤە تێ کرن، چ دیالۆگ نایێ کرن، ژ بەر کو ئەڤە دەستپێکا پۆلیتیکایا مارژینالکرنێ یە کو سووریە چ جاران قەبوول ناکە.
ھەر وھا ئەم تەکەز دکن کو ئەم بانگ ل ھەموو کەسێن کو دخوازن سووریە ببە یەک، یەکگرتی و ب ھێز، بێ ئینکارکرن و بچووکخستنێ، دیمەن و راستیا سووریەیێ وەکی خوە بخوینن، دکن.
ھێزا وەلاتێ مە یێ سووریەیێ د یەکتیا گەلێن وێ، ھەڤگرتنا وان و چارەنووسا وان یا ھەڤپار دەیە، ئەو گارانتیا راستا ژ بۆ پێشەرۆژەکا دەمۆکراتیکا ب ھێڤی، کو ل گۆری کەڤناریا گەلێ سووریێ و قوربانیێن زارۆکێن وێ یە.
