پارتییا وەلاتپارێزێن کوردستانێ (PWK) رادگھینە، “بریارا دانانا قەیوومی، تونە حەسباندن و بنپێ کرنا ئیرادەیا دەنگدێرێن وانێ یە، بریارەکا سییاسی یە، ل دژی پیڤانێن دەمۆکراسییێ یە، نایێ قەبوول کرن.”
نڤێسینگەها راگەھاندنێ یا PWK ئیرۆ 15ێ شوباتێ دەربارێ دانانا قەیوومەکی ل سەر شارەداریا باژارێ مەزنێ وانێ د داخویانیەکێ دە راگھاند، “پشتی کو 3 سال و 9 مەھ سزایێ گرتیگەھێ بۆ ھەڤسەرۆکێ شارەداریا باژارێ مەزنا وانێ عەبدوللاھ زەیدان ھاتی دەرکرن، وەزارەتا ناڤخوەیا کۆمارا ترکییەیێ راگھاند کو ھەڤسەرۆکێ شارەداریا باژارێ مەزنا وانێ عەبدوللاھ زەیدان ژ وەزیفەیێ هاتیە لادان و ل شوونا وی پارێزگارێ وانێ ئۆزجان بالج وەکی قەیووم ھاتییە دانان.
ھەروھا گۆت: “بریارا دانانا قەیوومی، تونە حەسباندن و بنپێ کرنا ئیرادەیا دەنگدێرێن وانێیە، بریارەکا سییاسییە، ل دژی پیڤانێن دەمۆکراسییێ یە، نایێ قەبوول کرن.
نڤێسینگەها راگەھاندنێ یا پارتیا وەلاتپاریزێن کوردستانێ گۆت ژی: “ئەم بریارێن دانانا قەیوومان شەرمەزار دکن. دڤێت ھەڤسەرۆکێ شارەدارییا وانێ ڤەگەرە سەر وەزیفەیا خوە.”
