پەروین بولدان گۆت ژی: “ئەم دێ د وان جڤینان دە دانووستاندنان ل سەر پرۆسەیا نوویا ئاشتیێ بکن، پشتی کو مە دو جاران لگەل ئۆجالان دانووستاندن کرنە و مە ژ وی رە راگەھاندیە، کو جڤینا مە لگەل سەرۆک بارزانی و وەرگرتنا نەرینێن وی ل سەر ڤێ پرۆسەیێ گەلەک گرنگە.”
وێ ئەنداما شاندا دەم پارتیێ ژ بۆ زیندانا ئیمرالیێ ئاماژە ژی دا، “ئەم دێ د جڤینا خوەیا ل گەل سەرۆک بارزانی دە نەرین و ھزر و پێشنیارێن وی یێن تەڤگر ل سەر پرۆسەیا ئاشتیێ ب حکمەت وەربگرن و دێ پاشتر بگەھینن ئۆجالان.”
پشتی دو جاران کو دەم پارتی لگەل ئۆجالان جڤیا، پەروین بولدان ل سەر رێکخستنا سەردانا سێیێ ئەشکەرە کر، “ھەتا نھا چ ژڤانەک ژ بۆ سەردانا زندانا ئیمرالیێ نەھاتیە دانان، ھەروەسا تێ چاڤەرێکرن کو گازیەک ژ ئالیێ ئۆجالان ڤە ھەبە، لێ چ ژڤانەک ژ بۆ ڤێ گازیێ ژی نەھاتیە دیارکرن.”
