شاندەیا ئیمرالیێ ل گەل سەرۆک بارزانی دجڤە

بریارە ئیرۆ 16/2/2025ێ دەمژمێر 10:00ێ سەرێ سبەھێ شاندەیا ئیمرالیێ ل گەل سەرۆک بارزانی ل پیرمامێ بجڤە.

ل گۆر زانیاریان دوھ شەمبیێ شاندەیا ئیمرالیێ ب رێیا دەریێ ئیبراھیم خەلیل ڤە گەھەشتیە ھەرێما کوردستانێ و شەڤا بۆری ل باژارێ ھەولێرێ بوون و بریارە ئیرۆ دەمژمێر 10:00ێ سەرێ سبەھێ ل گەل سەرۆک بارزانی بجڤن.

ل گۆر زانیاریان شاندەیا ئیمرالیێ نامە و پەیاما عەبدوللا ئۆجالان یا دەربارێ دەستپێکرنا پرۆسەیا ئاشتیێ و چەکدانینا پەکەکێ گۆتووبێژ ل گەل سەرۆک بارزانی دکن و ڤێ دەربارێ دە پەیام و نێرینێن سەرۆک بارزانی دێ وەرگرن و داخوازێ ژی دێ بکن کو سەرۆک بارزانی ئالیکار بە ژ بۆ دەستپێکرنا پرۆسەیا ئاشتیێ.