سەرۆک بارزانی لگەل شاندا دەم پارتیێ جڤیا

شاندا دەم پارتیێ بۆ ئیمرالیێ، ژ بۆ گۆتووبێژکرنا پێڤاژۆیا نوویا ئاشتیێ ل ترکیێ و باکورێ کوردستانێ، ئیرۆ 16 شوباتێ لگەل سەرۆک بارزانی جڤیا.

ل گۆر ئاگاهیان، شاندا دەم پارتیێ یا ژ بۆ ئیمرالیێ ئیرۆ دەمژمێر 10:00 گھیشت بارەگەھا بارزانی و لگەل سەرۆک بارزانی جڤیا.

شاندا دەم پارتیێ کو ژ پەرڤین بولدان و سرری سورەیا ئۆندەر پێک تێ مژارا سەرەکە یا جڤینا وێ لگەل سەرۆک بارزانی دەربارێ پێڤاژۆیا نوویا ئاشتیێ ل ترکیێ و باکورێ کوردستانێ دبە.

شاندا دەم پارتیێ دوھ شەمبیێ 15/2/2025 گھیشتبوو ھەولێرێ و ھەتا سبێ دوشەمبێ 17/2/2025 ل ھەرێما کوردستانێ دبە و دێ ھەژمارەک ھەڤدیتنێن دن پێک بینە.

تێ پایین، شاندا دەم پارتیێ کو پێشتر دو جاران لگەل رێبەرێ پەکەکێ عەبدوللاھ ئۆجالان ھەڤدیتن کریە، پشتی ڤەگەرا خوە، بۆ جارا سێیەمین ژی لگەل ئۆجالان ھەڤدیتنێ بکە.