بارەگەها بارزانی راگهاند، سەرۆک مەسعوود بارزانی ل پیرمامێ پێشوازی ل شاندا ئیمرالیێ یا ب سەرۆکاتیا خانم پەرڤین بولدان و برێز سڕی سورەیا ئوندە کر و شاندا ئیمرالیێ ناڤەرۆکا پەیاما عەبدوللا ئۆجالان ب سەرۆک بارزانی گهاند.
داخویانیا بارەگەها بارزانی ب ڤی ئاوا یە:
رۆژا یەکشەما 16ێ شوباتا 2025 ل سەلاحەدینێ، سەرۆک مەسعوود بارزانی پێشوازیا شاندا ئیمرالیێ یا ب سەرۆکایەتیا خانما پەروین بولدان و برێز سڕی سورەیا ئۆندەر کر.
ل ھەڤدیتنێ دە شاندا میھڤان بیر و رامانێن خوەیێن ل سەر رەوشا سیاسی و پرۆسەیا ئاشتیا ل ترکیێ و ناڤەرۆکا وێ و ئەنجاما ھەڤدیتنا وان یا لگەل برێز عەبدوللا ئۆجەلان ژ بۆ سەرۆک بارزانی خستن روو. ھەر وھا شاندا ئیمرالیێ د ڤێ ھەڤدیتنێ دە ناڤەرۆکا پەیاما برێز عەبدوللا ئۆجەلان ژی گھاندن سەرۆک بارزانی
ھەر د ڤێ ھەڤدیتنێ دە سەرۆک بارزانی ژ بلی ب خێرھاتنا شاندا میھڤانان، تەکەز ل سەر گرینگیا پرۆسەیا ئاشتیێ وەکی تاکە رێیا راست و دروست یا ژ بۆ گھیشتنا ب چارەسەریێ کر و ب پێویست ژی زانی کو ھەموو ئالیەک ھەولا خوە ل وێ یەکێ دە کۆم بکن کو پرۆسەیا ئاشتیێ بگھە ئەنجامێ. سەرۆک بارزانی ئامادەھیا خوەیا تەڤاھی ژی ژ بۆ ئالیکاری و پشتەڤانیا پرۆسەیا ئاشتیا ل ترکیێ و سەرگرتنا وێ راگھاند.
