شاندا ده‌م پارتیێ ئیرۆ ل پیرمامێ ب سه‌رۆك بارزانی ره جڤیا، پێشهاتیێن هه‌ڤدیتنێن ئۆجالان گهاندن و نه‌رینا سه‌رۆك بارزانی ده‌ربارێ پێڤاژۆیا ئاشتیێ وه‌رگرتن و بارزانی پشتگریا تام ژ بۆی سه‌رخستنا پێڤاژۆیێ نیشان دا.
ئاژانسا ئانفێ یا په‌كه‌كێ ئیرۆ رۆژا یه‌كشه‌می 16 سباتا 2025ێ نووچه‌یه‌ك ده‌ربارێ هه‌ڤدیتنا شاندا ده‌مێ و هه‌یئه‌تا ئیمرالیێ یا ب سه‌رۆك بارزانی ره پارڤه‌كر و ده‌ربارێ جڤینێ ته‌نێ دو رێزك پارڤه‌كرنه و تێ ده گۆتیه:
»جڤینا شاندا ده‌مێ ب سه‌رۆكێ په‌ده‌كێ ره چێبوو، جڤین ل باژارێ هه‌ولێرێ یێ باشوورێ كوردستانێ بوو و ساعه‌ته‌ك و 45 خۆله‌كان ده‌وام كر و پشتی جڤینێ ت داخویانی نه‌هاتن دایین«.
مه‌دیایا په‌كه‌كێ نووچه‌یا ده‌ستپێكرنا جڤینێ و نووچه‌یا ب داوی بوونا وێ وه‌شاند، لێ به‌لێ ب یێك په‌یڤێ ژی به‌حسا هه‌وله‌ستا سه‌رۆك بارزانی یێ پشتگریا هه‌ولێن سه‌رخستنا پێڤاژۆیێ نه‌كر، ل ده‌مه‌كێ پاش جڤینێ هه‌ر راست باره‌گه‌ها بارزانی داخویانی دا و هه‌لوه‌ستا سه‌رۆك بارزانی یێ نشتیمانی په‌روه‌ر و وه‌لاتپارێز ب زه‌لالی ده‌ربارێ پێڤاژۆیا ئاشتیێ ئیلان كر.
مه‌دیایا په‌كه‌كێ د نووچه‌یا خوه ده ناڤێ هه‌ولێرێ ژی وه‌كه پایته‌ختا هه‌رێما كوردستانێ نه‌گۆ و ووسا نڤیساندیه: «جڤین ل باژارێ هه‌ولێرێ چێبوویه«!
