ئالۆزی د ناڤبەرا جۆتیارێن کورد و ئارتێشا ئیراقێ دە چێ بوو

ل گوندێ شەناخە یێ سنۆرێ سەرگەرانێ، ئالۆزی د ناڤبەرا جۆتیارێن کورد و ئارتێشا ئیراقێ دە چێ بوو.

ئارتێشا ئیراقێ ئیرۆ (دوشەم، 17.02.2025) ل گوندێ شەناخەیێ بزاڤ کر رێ ل جۆتیارێن کورد گرتبا کو زەڤیێن خوە کێلابان، جۆتیارێن کورد ژی رووبروویی وێ بوون و گوهـ نەدا گەفێن وێ و دەست ب کێلانا زەڤیێن خوە کر.

ئارتێشا ئیراقێ ئاماژەیێ ددە، بریار ژ وان رە هاتیە کو رێیێ ل جۆتیارێن کورد بگرن کو زەڤیێن خوە بکێلن، جۆتیارێن کورد ژی ل سەر وێ یەکێ رژدن کو زەڤیێن خوە بکێلن و ئاخا خوە بەرنەدن.

جۆتیارەک دبێژە، «ئەم دەستان ژ کارێ خوە بەرنادن، هەتا خوینا مە درژن، ئەم دەستان ژ وێ ئاخێ بەرنادن». جۆتیارەکی دن ژی دبێژە، «سەربازەکی خوەست تراکتۆرا من ببە».

تەڤی گڤاشتنێن ئارتێشا ئیراقێ و ئالۆزیان، جۆتیارێن کورد دەست ژ ئاخا خوە بەرنەدان و هەر دەست ب کێلانا زەڤیێن خوە کر.

جۆتیارێن کورد گوهـ نادن گەفێن ئارتێشا ئیرائاقێ و دەست ب کارێن خوە کریە، رێ ل ئارتێشا ئیراقێ گرت کو کارێن وان راوەستینە، تەڤی وێ یەکێ کو ب دەهان سەرباز و هەمەرێن ئارتێشا ئیراقێ هاتنە گوندێ شەناخەیێ و دخوازن رێیێ ل جۆتیارێن کورد بگرن کو زەڤیێن خوە بکێلن.

چاڤكانی: كوردستان24