سەرۆک بارزانی ل سەر دیمەنێ ئێشکەنجەکرنا جۆتكاره‌كی کورد و رەفتارێن نەرەوایێن رێگرتنا ل جۆتكارێن کورد پەیامەک بەلاڤ کر.
په‌یاما سه‌رۆك بارزانی وسایه:
دیمەنێ ئێشکەنجەکرنا جۆتکارەکی کورد و ره‌فتارێن نه دجهێ خوه ده یێن رێگری و نەهشتنا چووینا جۆتکارێن کورد بۆ سەر زه‌ڤیێن خوە، دیمەنێن ئەنفال، کیمیاباران و ژەنۆسیدا گەلێ مە یا سەدسالا بۆری تینە بیرا مە. ئەڤ رەفتارەکە شۆڤەنیستی و بێوژدانی و تاوانەکە ل هەمبەر جۆتکارێن بێگونەهێن کورد ل پارێزگەها کەرکووکێ کو تەنێ سووجێ وان کوردبوون و خوەدیێ ئەسلێ ئاخا خوەنە.
د داخویانیێ دە هات گۆتن، “ئەز بانگ ل سەرۆکوەزیرێ ئیراقێ محەمەد شه‌یاع سوودانی دکم کو پێشی ل دوبارەبوونا ڤێ هۆڤیتیێ بگرە و سووجدارێن ڤێ تاوانێ بگرە و ل گۆری قانوونێ جەزا بکە.”
ئەز ده‌ستخوه‌شیێ ل وان کوردێن قەهرەمانێن کو ل هەمبەر ڤێ زلم و زۆردارییێ ل بەر خوە دانە دکم و ژ وان رە دبێژم کو ئەونە ب تەنێ و بێ پشتگرینە و ئەم ب هەموو هێزا خوە پشتگرییا بەرخوەدان و ماف و داخوازێن وان دکن.
