فەرماندارێ گشتییێ هێزێن سووریەیا دەمۆکراتیک راگه‌هاند؛ «مە ب شامێ رە ل سەر چەند خالان لهەڤ کر»، داخواز ژی ژ سەرۆکێ دەستهلاتا قۆناغا ڤەگوهێزا سووریەیێ دکە کو سەردانا باکورێ رۆژهلاتێ سووریەیێ بکە.
مەزلووم عه‌بدی دوهـ رۆژا (دوشەم، 17.02.2025) راگەهاند کو، ل سەر چەند خالان ب شامێ رە لهەڤ کریە، و چەند پرسێن دن ژی هەنە کو هەتا نها هەر دو ئالی ژ بۆ چارەکرنا وان دانووستاندنان دکن.
مەزلووم عه‌بدی ئاماژە ژی دا کو، بزاڤ ژ بۆ ئامادەکرنا دەرفەتەکە گونجایی ژ بۆ گەنگەشە و دانووستاندنان ب شامێ رە بەردەوامن. داخواز ژ سەرۆکێ سووریەیێ یێ قۆناغا ڤەگوهێز ئه‌حمه‌د شه‌رع ژی کر کو سەردانا باکورێ رۆژهلاتێ سووریەیێ بکە.
فەرماندارێ هه‌سه‌دێ ئاماژە ژی دا، «دەستهلاتدارێن نوویێن سووریەیێ ل سەر تەڤلیبوونا پێکهاتەیان د پرۆسەیا سیاسی دە نەرین و داخوازیێن وەلاتێن جیهانێ ل بەر چاڤان وەردگرن، لێ د بنگەها خوە دە بەرەڤاژی بەرنامە و ئایدۆلۆژیا سەرۆکێ سووریەیێ یێ قۆناغا ڤەگوهێز ئه‌حمه‌د شه‌رعیە کو کەسەکی سەلەفییە».a
