کۆمەکا چەکدار ژ دێرازۆرێ ھاتیە شامێ و ب سەر تاخەکا کوردان دە گرتیە. ژ بەر وێ ئێریشێ، چەند شێنیێن وێ تاخێ بریندار بوونە و رەوشا یەک ژ وان ژی نەباشە.
چاڤکانیێن نووچەیان ئیرۆ (سێشەمبێ، 18/2/2025) ئاماژە دا، “ل دەڤەرا زۆراڤایێ یا شامێ کۆمەلەکا گرێدایی کۆمێن چەکدارێن ئارتێشا نیشتیمانی یا سووریەیێ ب سەر دەڤەرا زۆراڤایێ یا شامێ دە گرت، کو پرانیا شێنیێن وێ دەڤەرێ کوردن.
جوانەکی کورد ب ناڤێ کۆمان، کو ل وێ تاخێ خوەدیێ دکانەکا جلکانە، د وێ ئێریشێ دە ب گرانی بریندار بوو، ھەروەسا ھەژمارەکا دن یا وەلاتیێن کورد ل وێ دەرێ بریندار بوو.
ل گۆر زانیاران، ئەو کۆما چەکدار ژ دێرازۆرێ ھاتیە و ئێریش کریە سەر کوردێن تاخا زۆراڤایێ یا کوردان ل شامێ، درووشمێن نەھێلانا تەڤایا کوردان ب دەنگەکی بلند دبێژن.
