ئیرۆ رۆژا چارشه‌میێ 19 سباتا 2025ێ سه‌رۆكوه‌زیرێ هه‌رێما كوردستانێ مه‌سروور بارزانی ب هه‌یئه‌تا ئیمرالیێ ره جڤیا و پێڤاژۆیا نوو یا ئاشتیێ ل تركیه و باكورێ كوردستانێ گۆتووبێژ كرن.
حكومه‌تا هه‌رێما كوردستانێ ئیرۆ رۆژا چارشه‌میێ 19 سباتا 2025ێ راگهاند كو سه‌رۆكوه‌زیر مه‌سروور بارزانی پێشوازی ل شاندا ده‌م پارتیێ و ئیمرالیێ كر و پێڤاژۆیا نوو یا ئاشتیێ ل تركیه و باكورێ كوردستانێ گۆتبووبێژ كرن.
هه‌روه‌ها دیار كر، سه‌رۆك وه‌زیران مه‌سروور بارزانی پشتگریا خوه یا تام ژ بۆی هه‌ولێن سه‌رخستنا پێڤاژۆیا ئاشتیێ ل تركیه و باكورێ كوردستانێ نیشان دا.
د داخویانیا حكومه‌تا هه‌رێمێ ده هات گۆتن كو شاندا ئیمرالیێ د جڤینێ ده پێگه‌هـ و پشتگریا سه‌رۆك بارزانی بۆ هه‌ولێن سه‌رخستنا پێڤاژۆیا ئاشتیێ به‌رز نرخاند.
سه‌رۆكوه‌زیر مه‌سروور بارزانی د جڤینێ ده دوپاتی ل پێویستیا ب دوایكرنا شه‌ر و توندوتیژیێ كر.
هه‌یئه‌تا ئیمرالیێ رۆژا 16 سباتا 2025ێ گهیشتبوو هه‌ولێرا پایته‌ختا باشوورێ كوردستانێ و ب سه‌رۆك مه‌سعوود بارزانی ره جڤیابوو، پشتره ل 17 سباتێ ل گه‌ل نێچیرڤان بارزانی سه‌رۆكێ هه‌رێما كوردستانێ جڤیا.
دوهـ رۆژا سێشه‌می 18 سباتێ ژی ل باژارێ سلێمانیێ ب سه‌رۆكێ یه‌نه‌كێ بافل تاله‌بانی و جیهگرێ سه‌رۆكوه‌زیر قوباد تاله‌بانی ره جڤیابوو.
شاندا ئیمرالیێ د جڤینا چاپه‌مه‌نیێ یا دوهـ ده ل سلێمانیێ راگهاندبوو كو هه‌ر كه‌س پشتگریێ دده پێڤاژۆیا ئاشتیێ و دڤێ گه‌لێ مه ل هه‌ر چار په‌رچه‌یێن وه‌لات كێفخوه‌ش به.
