بالافرێن شه‌ر 7 چه‌كدارێن په‌كه‌كێ ل گاره‌ی كوشتن

بالافرێن شه‌ر یێن ده‌وله‌تا ترك ل هه‌رێمێن گاره‌ و خاكوركێ یێن ل باشوورێ كوردستانێ ئێریش ئه‌نجامدان، 7 چه‌كدارێن په‌كه‌كێ هه‌ده‌ف گرتن.

وه‌زاره‌تا پاراستنا نه‌ته‌وی یا تركیه‌یێ ئیرۆ رۆژا چارشه‌می 19 سباتا 2025ێ داخویانی دا و راگهاند كو ئێریشێن وان یێن ل دژی رێخستنا په‌كه‌كێ ده‌وام دكن، هه‌ری داوی ل هه‌رێمێن گاره‌ و خاكوركێ 7 چه‌كدارێن رێخستنێ هاتنه‌ هه‌ده‌ف گرتن.

وه‌زاره‌تێ ده‌ستنیشان كر، دوهـ رۆژا سیشه‌می ژی 2 چه‌كدارێن رێخستنێ ل گاره‌یێ بووبوون ئارمانجا ئێریشێن هه‌وایی.

ته‌ڤی ده‌ستپێكرنا پێڤاژۆیا ئاشتیێ ل تركیه‌ و باكورێ كوردستانێ، لێبه‌لێ ئێریشێن ده‌وله‌تا ترك یێن ل دژی رێخستنا په‌كه‌كێ هێژان ده‌وام دكن و ل رۆژێن داوین ئه‌ڤ ئێریش دژوار بوونه‌.