وەزیرێ دادوەریێ یێ ترکیەیێ تەکەز دکە کو، دەستووریێ ب ھەڤدیتنا سێیێ یا شاندا دەم پارتیێ و ئۆجالان ددن، لێ وێ شاندێ ھەتا نھا چ داخوازیەک ژ بۆ وێ مەرەمێ پێشکێش نەکریە.
وەزیرێ دادوەریێ یێ ترکیەیێ یلماز توونچ ل سەر سەردانا سێیێ یا شاندا پارتیا وەکھەڤی و دەمۆکراسیا گەلان (دەم پارتی) ژ بۆ ئیمرالیێ ژ بۆ جڤینا وان لگەل رێبەرێ پارتیا کارکەرێن کوردستانێ (پەکەکێ)یێ زندانکری عەبدللا ئۆجالان راگەھاند کو، چ داخوازیەکا فەرمی ژ بۆ وێ مەرەمێ نەھاتیە پێشکێشکرن.
وەزیرێ دادوەریێ یێ ترکیەیێ ئاماژە ژی دا، “ئەگەر داخوازیەکا نوو د وی واری دە بێ کرن، ھەلسەنگاندن ژ بۆ تێ کرن و دەستووری ب وێ داخوازێ تێ دان.”
شاندا دەم پارتیێ ژ پەروین بولدان و سری سورەیا ئۆندەر پێک تێ؛ ھەتا نھا دو جاران ل سەر پرسۆەیا نوویا ئاشتیێ ل ترکیە و باکورێ کوردستانێ لگەل عەبدللا ئۆجالان جڤیایە.
تێ چاڤەرێکرن کو شاندا دەم پارتیێ پشتی ڤەگەریانا ژ ھەرێما کوردستانێ راگەھاندنەکا تەڤگر ل سەر پرۆسەیا نوویا ئاشتیێ پارڤە بکە، و پاشتر ژی داخوازیێ ژ بۆ ھەڤدیتنا سێیێ لگەل ئۆجالان پێشکێشی وەزارەتا دادوەریێ یا ترکیەیێ بکە.
