هەڤسەرۆکا شاخا ئیدرێ یا دەم پارتیێ ئالیا ئاککوش پشتی وەرگرتان ئیفادەیان هات گرتن.
هێزێن ئەولەهیێ یێن ترکیەیێ 18ێ سباتا 2025ان د چارچۆڤەیا لێکۆلینەکە سەردۆزگەریا کۆمارێ یا ستەنبۆلێ دە ل پارێزگەها ئیدرێ یا باکورێ کوردستانێ ب سەر مالا ئالیا ئاککوشێ دە گرت.
ئالیا ئاککوش ب توهمه‌تا “ئەندامتیا په‌كه‌كێ” هاتبوو دەستەسەرکرن و پشترە ئەو شاندبوو پارێزگەها ستەنبۆلێ.
ئیرۆ پشتی کار و بارێن یاسایی هەڤسەرۆکا شاخا ئیدرێ یا دەم پارتیێ ئالیا ئاککوش ب تۆهمەتا “ئەندامتیا په‌كه‌كێ” هات گرتن و هێزێن ئەولەهیێ ئەو بر گرتیگەهێ.
د ناڤ ڤێ هەفتەیێ دە ل زێدەیی 51 پارێزگەهێن ترکیە و باکورێ کوردستانێ ب “توهمه‌تا ئەندامتی و ئالیکاریا په‌كه‌كێ” ئۆپەراسیۆن هاتن کرن و زێدەیی 300 کەس هاتن دەستەسەرکرن و ئیرۆ 30 کەس ب بریارا دادگەهێ هاتن گرتن.
