شاندەکە ئەنجوومەنا نشتیمانی یا کوردی ل سووریێ (ئەنەکەسە) ل شامێ لگەل نوونەرێ تایبەت یێ نەتەوێن یەکگرتی گەیر پێدەرسەن جڤیا.
ئەندامێ شاندەیا ئەنەکەسێ ئبراھیم برۆ ل ھەژمارا خوەیا تۆرا جڤاکی “فەیسبۆکێ” بەلاڤ کر، د ھەڤدیتنێ دە رەوشا نھایا سووریەیێ و نەرینا ئەنەکەسێ دەربارێ قۆناغا ڤەگوھێز ل سووریێ ھات بەحسکرن. ھەر وەھا تەکەزی ل سەر رۆلا ئەرێنی یا نەتەوێن یەکگرتی ژ بۆ پشتەڤانیا سووریان د دەرباسکرنا ڤێ قۆناغێ ھات کرن.
برۆ دیار کر د ھەڤدیتنێ دە تەکەزی ل سەر رۆلا کوردان و پێویستیا بەشداریا وان د ھەموو دەزگەھێن سووریەیێ دە د قۆناغا ڤەگوھێز دە ھات کرن.
ھەروەھا تەکەزی ل سەر نڤیساندنا دەستوورەکێ ھاتە کرن، کو مافێن گەلێ ھەموو پێکھاتەیێن نەتەوی و ئۆلی، د ناڤ دە ژی مافێن گەلێ کورد پاراستی بن.
شاندا ئەنەکەسێ ژ در. عەبدولحەکیم بەشار و ئیبراھیم برۆ پێک ھاتبوو.
