کۆنگرەیا ئاک پارتیێ دەست پێ دکە و ئەردۆگان تاکە کاندیدێ سەرۆکاتیا وێ پارتیێ یە

کۆنگرەیا 8ێ یا ئاسایی یا پارتیا داد و گەشەپێدانێ (ئاک پارتی) ئیرۆ 23 شوباتێ ل ئەنقەرێ دەست پێ دکە.

کۆنگرە سێ رۆژان بەردەوام دبە و رەجەب تەییب ئەردۆگان، تاکە نامزەدێ سەرۆکاتیا وێ پارتیێ یە.

تێ تەخمینکرن کو زێدەیی 1600 ئەندام و گەلەک مێڤان بەشداری کۆنگرەیا ھەشتەمینا ئاک پارتیێ ببن. تێ تەخمینکرن کو ژ 13 وەلاتان 95 بالیۆز، 28 پارتیێن سیاسی، 127 سازیێن ناڤخوەیی و ناڤنەتەوەیی و سازیێن سڤیل ژی بەشداری کۆنگرەیێ ببن. ھەروھا 56 سازیێن راگھاندنێ یێن ھەرێمی و ناڤنەتەوەیی ژی دێ کۆنگرەیێ بشۆپینن.

نوونەرێن جەهەپێ، مەھەپێ،IYI پارتی، پارتیا یەکیتیا مەزن، ھودا پار، پارتیا رەفاحێ یا نوو، پارتیا سۆسیالیستا دەمۆکرات، پارتیا سەعادەتێ و پارتیا ڤەتەن دێ بەشداری کۆنگرەیێ ببن. لێ بەلێ دەم پارتی، پارتیا دەڤا و پارتیا پێشەرۆژێ ژ بۆ کۆنگرەیێ نەھاتنە ڤەخوەندن.

رۆژا ئینێ 7-2-2027، کۆنفەرانسێن باسکێن ئاک پارتیێ ل پارێزگەھێن ترکیێ و باکورێ کوردستانێ ب داوی بووبوون و ئەردۆگان بەشداری 29 کۆنفەرانسان بووبوو.

ئاک پارتیێ ھەتا نھا 7 کۆنگرەیێن ئاسایی و 4 کۆنگرەیێن ئاوارتە لدار خستینە و 11 ملیۆن و 135 ھەزار و 306 ئەندامێن وێ ھەنە.