پشتی کو سزایێ زیندانێ بۆ ھەڤشارەدارێ قاخزمانێ ھاتیە دەرکرن، قەیوم ژ بۆ شارەداریا قاخزمانێ یا دەم پارتیێ ھاتە تایینکرن.
وەزارەتا ناڤخوەیا ترکیەیێ بۆ شارەداریا قاخزمانا قەرسێ یا دەم پارتیێ قەیووم دانی.
د 20 شوباتێ دە ب توهمەتا “ئەندامەتیا رێخستنێ” 6 سال و 3 مەھ سزایێ زیندانێ بۆ ھەڤشارەدارێ قاخزمانێ مەھمەت ئالکان ھاتبوو دەرکرن. ئاڤاھیا شارەداریێ ژ لایێ پۆلیسان ڤە ھاتبوو دۆرپێچکرن.
د تەبلیخاتا وەزارەتێ دە ھاتە دیارکرن، ھەڤشارەدار مەھمەت ئالکان “وەکە تەڤدیرەکا دەمکی” ژ ئەرکی ھاتیە راوەستاندن و قایمەقامێ قاخزمانێ ئۆکان داشتان وەکە قەیووم ل شارەداریێ ھاتیە دانان.
مەھمەت ئالکان پێشتر د 1 مژدارا 2019 دە ھاتبوو بنچاڤکرن. ئالکان ب شەرتێ کۆنترۆلا عەدلی ھاتبوو بەردان. مەھمەت ئالکان د ھلبژارتنێن ھەرێمی یێن 31 ئادارێ دە ژ پارتیا دەمێ بوو شارەدار.
