بالافرێن شه‌ر یێن ده‌وله‌تا ترك، 5 چه‌كدارێن رێخستنا په‌كه‌كێ ل هه‌رێمێن گاره و قه‌ندیلێ یێن ل باشوورێ كوردستانێ كرنه ئارمانج.
وه‌زاره‌تا پاراستنا نه‌ته‌وی یا تركیه‌یێ ئیرۆ رۆژا سێشه‌می 25 سباتا 2025ێ راگهاند، ل هه‌رێمێن ئۆپه‌راسیۆنێن په‌نجه و كانیا ئاشتیێ ئێریشێن هه‌وایی ل دژی رێخستنا په‌كه‌كێ و یه‌په‌گێ هاتنه ئه‌نجام دایین.
ده‌ستنیشان كر، ل هه‌رێما ئۆپه‌راسیۆنا په‌نجه و قه‌ندیلێ 5 چه‌كدارێن په‌كه‌كێ هاتنه كوشتن و ل هه‌رێما كانیا ئاشتیێ چه‌كداره‌كی یه‌په‌گێ.
رێخستنا په‌كه‌كێ ده‌ربارێ ئێریشان ت ئاگاهی نه‌دانه، لێبه‌لێ دوهـ رۆژا دوشه‌می گۆتبوو كو بالافرێن شه‌ر بنارا قه‌ندیلێ ب دژواری بۆردۆمان كریه.
ژ 20 سباتا ئیسال 2025ێ ڤه، ئانگو د 5 رۆژێن ده‌رباسبوویی ده، 28 چه‌كدارێن په‌كه‌كێ ل باشوورێ كوردستانێ ب ئێریشێن هه‌وایی یێن ده‌وله‌تا ترك هاتنه كوشتن.
