رێڤەبەریا خوەسەر رادگەھینە، “مە رەخنە ل سەر کۆنگرەیا دیالۆگێ یا سووریەیی ھەنە و ئەم نابن بەشەک ژ بجھ ئانینا ئەنجامێن وێ.”
رێڤەبەریا خوەسەر ئیرۆ سێشەمبێ 25/2/2025 راگەھاندنەک پارڤە کر کو تێ دە ھاتیە، “کۆنگرەیا دیالۆگێ یا سووریەیی نوونەراتیا گەلێ سووریەیێ ناکە، مە ژی وەکی بەشەک ژ وی وەلاتی نوونەرێ خوە د وێ کۆنگرەیێ دە نەبوو.”
د وێ راگەھاندنێ دە ھەروەسا ئاماژە ھاتیە دان کو، وان رەخنە ل سەر ناڤەرۆکا وێ کۆنفەرانسێ ھەیە و ئەنجامێن وێ ب جھ ناینن.
رێڤەبەریا خوەسەر داخوازێ ژ گەلێ سووریەیێ ژی دکە کو، ل سەر کارێن خوە بەردەوام بە ژ بۆ کو بگەھە ئەنجامێن شۆرەشا خوە، پێخەمەتی بجهاتنا خوەستەکا گەل.
کۆنگرەیا دیالۆگێ یا سووریەیی ھەر ئیرۆ جڤینا خوە کر، پاشتر د راگەھاندنەکێ دە ئاماژە دا کو، ھەمی پارڤەکرن و جودابوونان رەد دکە.
کۆنگرەیا دیالۆگێ یا سووریەیی ھەروەسا داخوازا بلەزکرنا پێنگاڤێن ئامادەکرنا دەستوورێ نوویێ سووریەیێ کریە و تەکەز ژی کریە کو، دڤێت ئاخ و گەلێن سووریەیێ ھەڤگرتی بمینن.
کۆنگرەیا دیالۆگێ یا سووریەیی ھەروەسا راگەھاند کو، ھەمی کۆمێن چەکدارێن سووریەیێ وەکی کۆمێن ژ-قانوونێ-دەرکەتی تێن حەسباندن.
وێ کۆنگرەیێ پێدڤی ژی زانی کو، پێخەمەتی ڤەژاندنا سووریەیێ و پێشخستنا کەرتێن جودا جودا، سزایێن ئابۆری یێن ل سەر سووریەیێ بێن راکرن.
ھەروەسا داخواز ھاتیە کرن کو لەز د ڤەگەراندنا ئاوارەیێن سووریەیێ ژ بۆ وارێ وان دە بێ کرن، ھەروەسا رەدکرنا ھەمی رەنگێن دەستتێوەردانێن دەرڤە و ژ وان ژی دەستتێوەردانێن ئیسرایلی ھاتن رەدکرن.
