شاندا ئیمرالیێ ئیرۆ دێ پەیاما عەبدوللاھ ئۆجالان راگھینە

شاندا دەم پارتیێ یا ئیمرالیێ، ئیرۆ 27 شوباتێ ل ستەنبۆلێ دێ ناڤەرۆکا پەیاما رێبەرێ پەکەکێ یێ گرتی، عەبدوللاھ  ئۆجالان بەلاڤ بکە.

شاندا ئیمرالیێ یا پارتیا وەکھەڤی و دەمۆکراسیێ یا گەلان (دەم پارتی) ئیرۆ ل گرتیگەھا تیپا فا ب ئەولەکاریا بلندا ئیمرالیێ لگەل رێبەرێ پەکەکێ عەبدوللاھ  ئۆجالان ھەڤدیتنا سێیەمین دکە.

بەردەڤکا دەم پارتیێ عایشەگول دۆگان بەلاڤ کر، شاندا ئیمرالیێ پشتی ھەڤدیتنا لگەل ئۆجالان، دێ ل ستەنبۆلێ دەمژمێر 17:00 داخویانیێ بدە و پەیاما ئۆجالان رابگھینە.

ژێدەرەکی وەزارەتا دادێ یا ترکیێ گۆت، وەزارەتێ دەستوور دایە شاندەکە دەم پارتیێ ئیرۆ پێنجشەمێ سەردانا ئۆجالان بکە.

وەزیرێ دادێ یێ ترکیێ یلماز توونچ دوھ چارشەمبێ گۆتبوو، ل گۆری داخویانیێن حکوومەتێ یێن بەرێ، داخوازا دەم پارتیێ دەربارێ پەیاما ڤیدیۆیی دە، نایێ بجھانین.