شارەدارێ بەیکۆزێ ھاتە بنچاڤکرن

 شارەدارێ ناڤچەیا بەیکۆزێ یا ستەنبۆلێ عەلائەدین کۆسەلەر کو سەر ب جەهەپێ ڤەیە، ھاتە بنچاڤکرن.

شارەدارێ بەیکۆزێ عەلائەدین کۆسەلەر ژی د ناڤ دە، سەردۆزگەریا کۆمارێ یا بەیکۆزێ ب تۆمەتا گەندەلیێ، دەربارێ 4 کەسان دە بریارا بنچاڤکرنێ دا.

د چارچۆڤەیا ھەمان لێپرسینێ دە، دەربارێ 17 کەسان دە ژی ژ بەر تاوانێن “د ئیحالەیێ دە حیلە کرنە” و “ژ بۆ تاوانا بکن رێخستن ئاڤا کرن، ئەندامتیا رێخستن و ئالیکاری” بریارا گرتن، بنچاڤکرن، لێگەرین و دەستەسەرکرنێ ھاتیە داین.

کەسێن ھاتین بنچاڤکرن، ژ بۆ رێڤەبەریا ئەولەکاریێ یا ستەنبۆلێ ھاتنە برن.

ژ ئالیەکی دن ڤە، سەرۆکێ شاخا جەهەپێ یا ستەنبۆلێ ئۆزگور چەلیک ژی دیار کر، ئەڤ سەرەدەریا لگەل شارەدار عەلائەدین کۆسەلەرێ 65 سالی، نەحەقییە و گۆت، ئەو دێ لگەل پارێزەر و رێخستنێن خوە، ڤێ پێڤاژۆیێ بشۆپینن.

ژ ھلبژارتنێن شارەداریان یێن 31 ئادارا 2024 و ڤر ڤە، 13 شارەدار ل ترکیێ و باکورێ کوردستانێ ژ ئەرکێن خوە ھاتن دوورخستن.