سه‌رۆكێ هه‌رێما كوردستانێ نێچیرڤان بارزانی، ده‌ربارێ په‌یاما رێبه‌رێ زیندانكری یێ په‌كه‌كێ عه‌بدوللا ئۆجالان داخویانی دا و راگهاند، ئه‌و ب گه‌رمی پیشوازیێ ل په‌یاما ئۆجالان و داخوازا چه‌كدانینێ و هلوه‌شاندنا په‌كه‌كێ دكن.
سەرۆکێ هەرێما کوردستانێ نێچیرڤان بارزانی ل سەر پەیاما عه‌بدوللا ئۆجالان گۆت، «ئەم داخواز دکن کو په‌كه‌كه پابه‌ند به و گوهدار بە و پەیامێ ب جهـ بینە».
سەرۆکێ هەرێما کوردستانێ نێچیرڤان بارزانی ب رێیا هەسابێ خوەیێ Xێ داخویانیەک دا و گۆت: «ئەم ب گەرمی پێشوازیێ ل پەیاما برێز ئۆجالان و بانگا وی یا ژ بۆ چەکدانین و خوەفەسخکرنا په‌كه‌كێ دکن.
ئەم داخواز دکن کو په‌كه‌كه پابه‌ند به و گوهدار بە و پەیامێ ب جهـ بینە. ئەم هێڤیدارن کو ئەڤ بانگ دێ زەمینێ خوەش بکە ژ بۆ پێکانینا ئاشتیێ و چارەسەریا ئاشتیانە.
بێ گومان سەردەما خەباتا ئاشتی، مەدەنی و دەمۆکراتیکە و د وێ رێیێ دە ئەنجام و دەستکەفتێن باشتر تێن بدەستخستن، نە ب چەک و توندوتیژیێ.
ئەم ل هەرێما کوردستانێ پشتگریا تەمام ل پێڤاژۆیا ئاشتیێ دکن و هەر تشتێ کو بکەڤە سەر ملێن مە ژ بۆ سەرکەفتنا پێڤاژۆیێ، ئەم ئامادەنە رۆلا ئالیکاری و هەڤکاریێ بلیزن.
هەر وها ب رێز و سپاسداری ل رۆلا برێز سەرۆک ئەردۆگان و دەستهلاتا ئاک پارتیێ دنێرن کو هەر ژ دەستپێکا دەستهلاتێ ڤە ب رامانا زەلال و ب نێرینەکە ڤەکری هەول دان کو ژ بۆ ئاشتیێ کار بکن.
ئەم هێڤیدارن کو قۆناغا بێ ب بەشداری و هەڤدەنگیا ئالیێن دن ژی ل ترکیەیێ، قۆناغا سەرکەفتنا ئاشتیێ و چارەسەریێ بە و ئارامی و ئارام ل سەر وەلات و هەموو هەرێمێ بەلاڤ ببە».
