ئەندامێ شاندا ئیمرالیێ یا دەم پارتیێ سڕی سورەیا ئۆندەر پشتی داخویانیا ئاگربەستێ یا پەکەکێ ئاخڤی و دیار کر کو د ھەفتەیا پێش دە دێ ب جڤینان رەوش زەلال ببە کو رایەدارێن دەولەتێ و سیاسەتمەدار ژی دێ بەشداری ڤێ جڤینێ ببن.
پارلامەنتەرێ ستەنبۆلێ یێ دەم پارتیێ سڕی سورەیا ئۆندەر یێ کو د شاندەیا ئیمرالیێ دە جھ گرتی، پشتی داخویانیا پەکەکێ یا ئیرۆ داخویانی دا ANKAیێ.
ئۆندەر راگھاند، دێ ژ ڤر و شووندە گەلەک جڤین بێن لدارخستن کو دێ رایەدارێن دەولەتێ و سیاسەتمەدار ژی بەشدار ببن. ئۆندەر ئەڤ تشت گۆت، “د ناڤا 3 مەھێن پێشیا مە دە، ئەم ھێڤی دکن کو دێ ھەر تشت سەرەراست ببە.”
ئۆندەر ئانی زمان، بەشا زەحمەتا مەسەلەیێ وان دەرباس کریە و وھا گۆت: “د ھەفتەیا پێشیا مە دە دێ گەلەک جڤین بێن لدارخستن کو دێ رایەدارێن دەولەتێ و سیاسەتمەدار ژی بەشدار ببن. دێ گەلەک تشت زەلال ببن و ھین شێنبەرتر ببن. د ناڤا 3 مەھێن پێشیا مە دە ئەم ھێڤی دکن کو دێ ھەر تشت سەرەراست ببە.”
ھەروھا ئۆندەر گۆت: “یا گرینگ، ئیرادە و بریارداریا ھاتیە نیشاندانە. یا مایی، دێ ھەر سەرەراست ببە. دەستپێکێ ئەگەر وەکە ترکیە ئەم ب سەمیمیەت و جدیەتێ رۆژەڤا خوە دیار بکن، ژ بۆ گوھەرتنا جیھانێ و ھەرێمێ دێ پێنگاڤێن دەمۆکراتیک ل پەی ھەڤ وەرن.”
