رێخستنا جوانێن شۆرەشگەرا گرێدایی پەکەکێ کەچەکە تەمەن بچووک ژ تاخا شێخ مەقسوودا پارێزگەھا حەلەبێ ب مەبەستا چەکدارکرنا وێ د ناڤا رەفێن پارتیێ دە رەڤاند و بەر ب کامپێن پەروەردەهیێ ڤە بر.
چاڤکانیەکی ھەرێمی راگھاند کو د 22 شوباتا 2025 دە چەتەیێن پەکەکێ “جوانێن شۆرەشگەر” زارۆکا بچووک یا ب ناڤێ نەدا یووسف ئەل-حەمدۆ یا 12 سالی ل بەر دبستانا سەرەتایی یا ئالان محەمەد رەڤاند، هات زانین ئەڤ کەچ ب ئەسلا خوە عەرەبە.
تاخا شێخ مەقسوود د بن کۆنترۆلا یەکینەیێن پاراستنا گەل یێن سەر ب پارتیا یەکیتیا دەمۆکراتیک دەیە کو ھێزا سەرەکی یا ھێزێن سووریەیا دەمۆکراتیکە.
تێ زانین فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
ل گۆری چاڤدێران ئارمانجا چەتەیێن ب ناڤێ “جوانێن شۆرەشگەر” ژ رەڤاندنا زارۆکێن تەمەن بچووک، شووشتنا مەژیێ زارۆکان ل گۆر بیردۆزیێن پارتیا کارکەرێن کوردستانێ و تەڤلیکرنا وان د ناڤا رەفێن لەشکەری یێن پارتیێ دەیە.
