بەردەڤکا دەم پارتیێ عایشەگول دۆگان گۆت: “دڤێت ئێدی شەرت و مەرجێن برێز عەبدوللاھ ئۆجالان بێن باشکرن. پێویستە ئەڤ پێڤاژۆ ب پێشەنگتیا وی بێ مەشاندن.”
بەردەڤکا دەم پارتیێ عایشەگول دۆگان ئیرۆ 2ێ ئادارێ د کۆنگرەیا رێخستنا شرنەخێ یا دەم پارتیێ دە گۆت: “رێزدار ئۆجالان د ناڤ شەرت و مەرجێن گران و تەجریدێ دە رووپەلەکە نوو یا دیرۆکی ژ بۆ ھەموو گەلێن رۆژھلاتا ناڤین ڤەدکە. برێز ئۆجالان بانگاوازیا ئاشتیێ کر.”
ھەروھا گۆت: “ت کەسی باوەری ب ئاشتیێ نەدئانی. ل ھەر دەرێ کوردستانێ ئێرش و شەر ھەبوو. مە پەیاما برێز ئۆجالان ب ھێز و جۆش پێشوازی کر. پێشوازیکرن د ھەمان دەمێ دە کریارێن مە نە. دڤێت ئەم ل ڤێ بانگاوازیێ خوەدی دەرکەڤن.”
بەردەڤکا دەم پارتیێ گۆت ژی: “ئەم ل ڤر دبێژن و بانگ دکن کو دڤێت شەرت و مەرجێن رێزدار ئۆجالان بگوھەرە. گوھەرتن تەنێ ژی تێر ناکە. ئەم شەرت و مەرجێن ئازاد دخوازن. ئەو پێڤاژۆ دڤێت ب رێبەرتیا وی بێ مەشاندن.”
