رۆژنامەگەرا هابەرتورکێ ناگەهان ئالچیێ راگهاند کو سەرۆکێ گشتییێ مه‌هه‌پێ دەولەت باخچه‌لی ب تەلۆفۆنێ ب هەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش رە ئاخڤی.
نڤیسکار و رۆژانەمگەرا هابەرتورکێ ناگەهان ئالچیێ دیار کر کو سەرۆکێ گشتییێ مه‌هه‌پێ دەولەت باخچه‌لی ب هەڤسەرۆکێ بەرێ یێ هه‌ده‌پێ سه‌لاحه‌ددین دەمیرتاش رە ب تەلەفۆنێ ئاخڤی کو د گرتیگەها ئەدیرنەیێ دەیە.
ناگەهان ئالچیێ گۆت، ئاگاهیا کو گهشتیە من ئەوە کو برێز باخچه‌لی ب تەلەفۆنێ ب سه‌لاحه‌ددین دەمیرتاش رە ئاخڤیە.
د ناڤبەرا وان دە ئاخافتنەک بوویە کو باخچه‌لی ژ بۆ پشتەڤانیا دەمیرتاش کێفخوەشیا خوە ئانیە زمان.
ئۆفیسا راگهاندنێ یا دەم پارتیێ ژی وها گۆت، ئاگاهیەکە وها ل جەم مە نینە. ئەم نکارن ڤێ مژارێ پشتراست بکن.
رێبه‌رێ زیندانكری یێ په‌كه‌كێ عه‌بدوللا ئۆجالان 27ێ سباتێ خوەستبوو کو په‌كه‌كه خوە فەسخ بکە و چەکان دەینە.
دەمیرتاش دەربارێ بانگا ئۆجالان نڤیسەک نڤیساندبوو.
دەمیرتاش گۆتبوو، “دەولەت باخچه‌لی، رەجەپ تایییپ ئەردۆگان و عه‌بدوللا ئۆجالان یێن کو د ناڤەندا لێگەرینا نوو دەنە، ب هاتنا مەها رەمەزانێ بەرێ خوەیێ یەکەم دا.
هەر یەک ژ وان کو هێزێن نوونەرتیا بەشێن کو تەمسیل دکنن، هەم کەسێن کو گەلەکی ب وان رە باوەر دکن هەنە، هەم ژی یێن کو باوەر ناکن و نیگەرانن ژی.
ئەردۆگان، باخچه‌لی و ئۆجالان… ژ بۆ کو ئەڤ هەر سێ سەرۆکێن کو ژ بۆ ئاشتیا رۆژهلاتا ناڤین، ئاشتیا دیرۆکی یا کورد-ترک ئینیسیاتیف گرتنە سەرکەفتی بن، ئەز دێ زێدەتری یا کو ژ دەستێ من تێ بکم.
