هێزێن سووریه‌یا ده‌مۆكراتیك هه‌سه‌دێ ئیرۆ بارەگەهەکە ترکیێ ل رۆژئاڤایێ فراتێ ئارمانج دکه، ئارتێشا تركیه‌یێ ژی ناڤەند و دەڤەرێن ستراتەژیک ل گوندەوارێ حەلەبێ بۆمبەباران كر.
روانگه‌ها سووریا یا مافێن مرۆڤان ئیرۆ رۆژا دوشه‌می 3 ئادارا 2025ێ راگهاند كو شەر و پەڤچوونێن ل سەر هێلێن ستراتەژیکێن گوندەوارێ رۆژهلاتێ حەلەبێ ددۆمن، د هەمان دەمێ دە کو هێزێن ترکیێ ب تۆپان دەردۆرا پرا قەرقۆزاک و باژارۆکێ سارین تۆپباران کرن.
ده‌ستنیشان كر، هه‌سه‌دێ ب تۆپێن هاونێ بارەگەهەکە ترکیێ ل رۆژئاڤایێ چەمێ فراتێ ل گوندەوارێ رۆژهلاتێ حەلەبێ بۆمبەباران کر، بێ کو ئاگاهی دەربارێ زیانێن مرۆڤی بێن.
ئیرۆ، شەر و پەڤچوون ل سەر ئه‌نیێن بەنداڤا تشرین، ل رۆژهلاتێ حەلەبێ، د ناڤبەرا “هه‌سه‌دێ” ژ هێلەکێ، و کۆمێن سەر ب ترکیێ ڤە ژ ئالیەکی دن، دەرکەتن، هه‌سه‌دێ درۆنا كو ئێریش كری خست خوارێ.
ل پرا قەرە قەزاقێ، کۆمێن “ئارتێشا نشتمانی” ئێریش کرن سەر خالێن “هه‌سه‌دێ”، و پەڤچوون د ناڤبەرا هەر دو ئالیان دە دەرکەتن، بێ کو ئاگاهی دەرباری زیانێن مرۆڤی بێن.
ل هەرێمێن دێر هافەرێ، کۆمێن “ئارتێشا نشتمانی” ب 5 درۆنێن خوەکوژی ئێریشی کۆمبوونێن “هه‌سه‌دێ” كر و د ئەنجامێ دە هن ئەندامێن “هه‌سه‌دێ بریندار كه‌تن”.
دوهـ ژی هێزێن ترکیێ دەردۆرا باژارۆکێ سەڕینێ گوندەوارێن رۆژهلاتێ حەلەبێ بۆمبەباران کرن و د ئەنجامێ دە وەلاتیەکی بریندار بوو.
