سەرۆک بارزانی لگەل شاندەکا ھەڤبەشا 3 حیزبێن باکورێ کوردستانێ، پرۆسەیا ئاشتیێ ل ترکیەیێ و باندۆرا وێ ل سەر ھەموو پرۆسەیا سیاسی و دۆزا کوردی ل ناڤچەیێ گۆتووبێژ کرن.
سەرۆک مەسعوود بارزانی ئیرۆ 3ێ ئادارێ لگەل شاندەکا ھەڤبەشا سێ حیزبێن باکورێ کوردستانێ جڤیا کو ژ سەرۆکێ پارتیا وەلاتپارێزێن کوردستانێ مستەفا ئۆزچەلیک، سەرۆکێ پارتیا سۆسیالیستا کوردستانێ بایرام بۆزیەل، سەرۆکێ پارتیا ماف و ئازادیان دوزگون کاپلان پێک دھات.
د ھەڤدیتنێ دە، گۆتووبێژ ل سەر پرۆسەیا ئاشتیێ ل ترکیەیێ و باندۆرا وێ ل سەر پرۆسەیا سیاسی یا گشتی و دۆزا کوردی ل ناڤچەیێ ھاتن کرن. ھەروھا تەکەزی ل سەر پشتەڤانیا پرۆسەیا ئاشتیێ و گھیشتنا ب چارەسەریەکێ ل ترکیەیێ کرن.
د ھەڤدیتنێ دە، پێشھاتێن داوی یێن سیاسی و ئەولەکارییێن ل ناڤچەیێ، ب تایبەتی ل سووریەیێ ھاتن گۆتووبێژکرن. سەرۆک بارزانی ژ شاندا مێڤان رە بەحسا رەوش و پاشارۆژا گەلێ کورد، دەرفەت و مەترسیان کر.
