سزایێ گرتنێ بۆ شارەدارێ بەیکۆزێ ھات برین

ل شارەدارێ ناڤچەیا بەیکۆزێ عەلائەدین کۆسەلەرێ سەر ب جەهەپێ ڤە، سزایێ گرتیگەھێ ھاتە برین.

دادگەھا سزای یا چاکسازییا بایکۆزێ د روونشتنا یەکەمین دە، سزایێ گرتیگەھێ بۆ 13 گرتیان بری کو د ناڤا وان دە، شارەدارێ بایکۆزێ عەلائەدین کۆسەلەر ھەبوو.

ل گۆری دۆسیایا لێپرسینێ، د شارەداریێ دە عەلائەدین کۆسەلەر گەندەلی کریە. ژ بلی کۆسلەر، 21 کەسێن دن ژی ژ بۆ دادگەھێ ھاتن برن، لێ ژ وان بۆ 13 کەسان سزایێ گرتیگەھێ ھات برین.

شارەدارێ ناڤچەیا بەیکۆزێ یا ستەنبۆلێ عەلائەدین کۆسەلەر کو سەر ب جەهەپێ ڤەیە، رۆژا 27 شوباتێ لگەل ھەژمارەک کەسێن دن ھاتبوو بنچاڤکرن.

د ڤێ دەربارێ دە، شارەدارێ ستەنبۆلێێ ل سەر پشکا جەهەپێ ئەکرەم ئیمامۆغلو گۆت، پارێزگەھا ستەنبۆلێ د سەردەمەکە نەدادپەروەرانە دە دەرباس دبە و دێ جھێ خوە د ناڤ رووپەلێن دیرۆکێ دە بگرە.

ژ ھلبژارتنێن شارەداریان یێن 31 ئادارا 2024 و ڤر ڤە، 13 شارەدار ل ترکیە و باکورێ کوردستانێ ژ ئەرکێن خوە ھاتن دوورخستن.