رێبه‌رێ زیندانكری یێ په‌كه‌كێ عه‌بدوللا ئۆجالان ژ پارلامەنتەر و سەرۆکێن شارەداریان یێن دەم پارتیێ رە ژی پەیام شاندیە و تێ ده خوه‌ستیه کو پێڤاژۆیا ئاشتیێ ژ گەل رە وەرە راڤەکرن.
هات راگهاندن كو پشتی بانگا ئۆجالان یا چه‌كدانینێ و خوه‌فه‌سخ كرنا په‌كه‌كێ، هن په‌یام بۆ ده‌م پارتیێ ژی هاتنه شاندن، ئۆجالان د په‌یامێ ده ژ پارلامه‌نته‌ر و سه‌رۆكێن شاره‌داریێن ده‌مێ خوه‌ستیه كو “ل سەر ئاشتیێ باخڤن، ئاشتیێ بپارێزن و بدن زانین.”
پشتی ڤێ بانگێ د ناڤ دەم پارتیێ دە ترافیکەکە خورتا جڤینان چێبوو.
پێشی مەجلسا پارتیێ و هەڤسەرۆکێن باژاران، پشت رە لژنەیا برەڤەبرنێ یا ناڤەندی و هەری داوی ژی ب هەڤسەرۆکێن شارەداریان و پارلامەنتەران رە جڤین هاتن لدارخستن.
د جڤینا دۆهـ ده كو د بن سەرۆکاتیا هەڤسەرۆکێن گشتی یێن دەم پارتیێ دە پێک هات و نێزیکی 7 سائەتان ده‌وام كر، پەیاما عه‌بدوللا ئۆجالان یا ژ بۆ پارلامەنتەران هاتیە پارڤەکرن.
هات زانین کو ئۆجالان ژ پارلامەنتەرێن دەم پارتیێ رە گۆتیە، “بەری 40 سالان ناڤێ کوردان تونەبوو، ئیرۆ شارەداریێن وان هەنە. پێڤاژۆیێ بدن فێهمکرن، ئاشتیێ ژ گەل رە بدن زانین”.
