وەزارەتا پاراستنا نەتەوەیی یا تركیه‌یێ راگهاند؛ «دڤێ په‌كه‌كه و هەموو شاخێن وێ و کۆمێن پێ را تێکلدار، دەملدەست داوی ل تەڤگەرێن خوەیێن تەرۆرێ بینن، خوە فەسخ بکن و بێیی شەرت چەکێن خوە داینن و تەسلم بکن».
چاڤکانیێن وەزارەتا پاراستنا نەتەوەیی پشتی جڤینا ئاگاهدارکرنا چاپەمەنیێ یا ل وەزارەتا پاراستنا نەتەوەیی پرسێن رۆژنامەڤانان بەرسڤاندن.
ده‌ربارێ بانگا چەکدانین و فەسخکرنێ یا عه‌بدوللا ئۆجالان کو ل په‌كه‌كێ کربوو، وها هات گۆتن:
«دڤێ په‌كه‌كه و هەموو شاخێن وێ و کۆمێن پێ را تێکلدار، دەملدەست داوی ل تەڤگەرێن خوەیێن تەرۆرێ بینن، خوە فەسخ بکن و بێیی شەرت چەکێن خوە داینن و تەسلم بکن. دەرەنگ بە ژی گەلەک گرینگە کو رێخستنێ فەهم کر کو ب تەرۆرێ ناگهێژە دەرەکێ، دەما خوە تەمام کریە و ژ خەینی فەسخکرنێ چارەیەکە دن تونەیە».
