ئیسماعیل بێشکچی کو وەک دۆستێ کوردان تێ ناسکرن و ژ بەر پشتگرییا کوردان 17 سالان کەتە زیندانێ دا پەڤاژۆیا باخچەلی-ئۆجالان-ئەردۆگان نرخاند و گۆت: ما ژ بۆ گھیشتنا ڤێ قۆناغێ، پێویستی ب هندە شەر، وێرانی و مرنا ھەبوو؟
د 26-28 شوباتێ دە، ل کۆربەندا ھەولێرێ یا سێیەمین کو ل ھەولێرێ دهات مەشاندن دە، ئیسماعیل بێشکچی دەربارێ بانگا ئۆجالان دە ئەڤ گۆتنە گۆتن: “ئەم 40 سالن شەری دکن. داخواز و ئارمانجێن مە چ بوون؟ د ڤێ رێیێ دە مە 50-60 ھەزار، بەلکی ژی ھێژ زێدەتر مرۆڤێن خوە ژ دەست دان. ئیرۆ دەولەت باخچەلی ھەر کو دەڤێ خوە ڤەدکە، دبێژە ‘دڤێت پارتیا دەمێ بهێتە گرتن’، کەسێ کو سڤکترین گۆتنا وی ل سەر سازیێن کوردان ئەڤەیە، بۆچی یەک ب یەک ل دویڤ یێک تێلەفۆنێن رێبەرێن پارتیا دەمێ دکە و سپاسیا وان دکە؟…
عەڤدللا ئۆجالان دبێژە کو کورد داخوازا خوەسەری، فەدەراسیۆن، مافێن کلتۆری نەکن. ئۆجالان دبێژە کو دڤێت کورد لگەل دەولەتێ ببن یەک. ئەڤ تێ وێ واتەیێ کو کورد دێ د ناڤ جڤاکا ترک دە حەلیێن.
ما ژ بۆ گھیشتنا ڤێ قۆناغێ، پێویستی ب هندە شەر، وێرانی و مرنا ھەبوو؟
ما یەک پەکەکەیی، یەک کەجەکەیی نینە کو ڤان پرسان ژ عەڤدللا ئۆجالان بپرسە؟
پەکەکە گەلەک جاران تێگەھێن وەک دەمۆکراسی و ئازادیێ ب کار تینە. کا ئەم لێ بنێرن، کا ئەو قاس ئازادی بدەستخستن کو ئەڤ ڤێ پرسیارێ بکن؟
ما د ناڤا وان دا ئەو قاس ئازادی پێشکەتییە کو بکاربن ڤان پرسیاران بپرسن؟ گەلۆ ئەڤ ئازادی د ناڤا وان دە ھەیە یان نە، ئەڤە مژارەکا لێکۆلینێ یە.”
ھێژایی گۆتنێیە کو بێژین گەلەک دەردۆر نامەیا ئۆجالان وەک خیانەت نرخاند و راگهاندن ب ڤان گۆتنان 40 سالن چ تشت نە کەت دەستێ کوردان و ب ڤی ئاوای ھەلوەستا ئۆجالان رەخنە کرن.
